ငလျင်ဒဏ်သင့် မြန်မာနိုင်ငံသို့ အခမဲ့ ဖုန်းခေါ်ဆိုခွင့် ထိုင်း ခွင့်ပြု
ငလျင်ဒဏ်သင့် မြန်မာနိုင်ငံသို့ ဆက်သွယ်ရေး အော်ပရေတာတိုင်းကနေ အခမဲ့ ဖုန်းခေါ်ဆိုခွင့် ပြုလိုက်ပြီး ဖြစ်ကြောင်း ထိုင်းနိုင်ငံပိုင် တယ်လီကွန်းကုမ္ပဏီကနေ မတ် ၂၉ ရက်မှာ ထုတ်ပြန် ကြေညာသည်။ အဆိုပါ ဖုန်းခေါ်ဆိုမှုကို ထိုင်းနိုင်ငံကနေ မြန်မာနိုင်ငံကို မတ် ၃၁ ရက်အထိ ဆက်သွယ်ရေး အော်ပရေတာတိုင်းကနေ အခမဲ့ဖုန်းခေါ်ဆို၍ ရပြီး ဖြစ်ကြောင်း ထုတ်ပြန်ချက်က ရေးသားထားသည်။ အဆိုပါ ဖုန်းခေါ်ဆိုမှုအတွက် အရင်ဆုံး 001 800 001ကို ခေါ်ဆိုရမှာဖြစ်ပြီး အင်္ဂလိပ်ဘာသာစကားဖြင့် (Free Call) အခမဲ့ ခေါ်ဆိုနိုင်ကြောင်း ဖြေကြား ပြီးချင်းတွင် 009 95 နောက်ကနေ မိမိခေါ်လိုသည့် ဖုန်းနံပတ်ကို ထည့်သွင်းရမည် ဖြစ်သည်။
ဖမ်းဆီးခံ မြန်မာ နိုင်ငံသားများကို စစ်ကောင်စီထံသို့ မလွှဲပြောင်းရန် CRPH က တင်ပြ
တရားမဝင် ဝင်ရောက်လာသည့် မြန်မာပြည်သူများကို ဖမ်းဆီး၍ စစ်ကောင်စီထံသို့ ပြန်လည် လွှဲပြောင်းခြင်း မပြုလုပ်ရန် ထိုင်းလွှတ်တော်၏ မြန်မာ့အရေး ဆွေးနွေးပွဲတွင် တင်ပြ တောင်းဆိုခဲ့ကြောင်း သိရသည်။ ထိုင်းနိုင်ငံ၊ ဘန်ကောက်မြို့ရှိ ထိုင်းလွှတ်တော်တွင် ကျင်းပပြုလုပ်ခဲ့သော မြန်မာ့အရေး ဆွေးနွေးပွဲသို့ ပြည်ထောင်စုလွှတ်တော်ကိုယ်စားပြု ကော်မတီ (CRPH)မှ ကိုယ်စားလှယ်များ တက်ရောက်ခဲ့ကြောင်း သိရသည်။ မတ်လ ၂၂ ရက်နေ့မှ မတ်လ ၂၃ ရက်နေ့အထိ “ထိုင်းနိုင်ငံ၏ နယ်စပ်တစ်လျှောက်၌ လုံခြုံရေး မြှင့်တင်ခြင်းနှင့် ငြိမ်းချမ်းရေးတည်ဆောက်ခြင်း အခန်းကဏ္ဍ” ဆွေးနွေးပွဲတွင် ထိုသို့ တောင်းဆိုခဲ့ခြင်းဖြစ်ကြောင်း သိရှိရသည်။ အောက်လွှတ်တော် အမျိုးသားလုံခြုံရေး၊ နယ်စပ်ရေးရာ၊ အမျိုးသားရေးဆိုင်ရာ မဟာဗျူဟာနှင့် ပြုပြင်ပြောင်းလဲရေးဆိုင်ရာ အမြဲတမ်းကော်မတီနှင့် လူ့အခွင့်အရေးဆိုင်ရာ
မြန်မာ ကျောင်းသားများအတွက် ဒေါ်လာ ၄၅ သန်း ဖြတ်တောက်မှု ထရမ့် ချီးကျူး
မြန်မာ ကျောင်းသားများ အတွက် ပေးအပ်ထားသော Diversity and Inclusion Scholarship Program (DISP) ပညာတော်သင်ဆု ဒေါ်လာ ၄၅ သန်း ကို ရပ်ဆိုင်းနိုင်ခဲ့မှုအတွက် အမေရိကန်သမ္မတ ထရမ့်က ချီးကျူးပြောဆိုသည်။ မြန်မာပြည်မှ ကျောင်းသားများအတွက် ပညာသင်ဆု အမေရိကန်ဒေါ်လာ ၄၅ သန်း ပေးနေမှုအား အီလွန်မတ်စ် ဦးဆောင်သော အမေရိကန်အစိုးရ အစွမ်းထက်မှုဌာန (DOGE)က ဖြတ်တောက်ခဲ့မှု အပေါ် ထရမ့်က ချီးကျူးပြောဆိုခြင်း ဖြစ်သည်။ မြန်မာစံတော်ချိန် မတ်လ ၅ ရက်နေ့ နံနက်ပိုင်း အမေရိကန် ကွန်ဂရက်လွှတ်တော်တွင် ပြောကြားသော မိန့်ခွန်းတွင် ၎င်းက အထက်ပါအတိုင်း ထည့်သွင်းပြောဆိုသွားခြင်းဖြစ်သည်။ အမေရိကန်သမ္မတ ထရမ့်က
အိန္ဒိယ-မြန်မာ-ထိုင်း အာရှအဝေးပြေးလမ်းမကြီး စီမံကိန်းမှာ မြန်မာ့နိုင်ငံရေးအခြေအနေကြောင့် ရပ်ဆိုင်းနေဟု အိန္ဒိယ ပြော
အိန္ဒိယ-မြန်မာ-ထိုင်း သုံးနိုင်ငံ အာရှအဝေးပြေးလမ်းမကြီး IMTT စီမံကိန်းကို ပြီးစီးအောင် ဆောင်ရွက်လိုသော်လည်း မြန်မာပြည်တွင် အခြေအနေ မငြိမ်သက်မှုများကြောင့် စီမံကိန်းကို ခေတ္တရပ်ဆိုင်းထားရသည်ဟု အိန္ဒိယ နိုင်ငံခြားရေးဝန်ကြီးက ပြောသည်။ အိန္ဒိယနိုင်ငံ အာသံပြည်နယ် ဂူဝါဟာတီမြို့တွင် ဖေဖော်ဝါရီလ ၂၅ ရက်နေ့က ပြုလုပ်သော အစည်းအဝေးတစ်ခုမှာ အိန္ဒိယနိုင်ငံခြားရေးဝန်ကြီး ဆူဘရတ် ဂျိုင်ရှန်ကာ (Jaishankar) မှ ပြောကြားခဲ့ကြောင်း အိန္ဒိယသတင်းဌာန NDTV က ဖော်ပြသည်။ “မြန်မာ့အခြေအနေကြောင့် IMTT အဝေးပြေးလမ်းစီမံကိန်းကို ခေတ္တရပ်ထားပါပြီ။ ဒီ ‘မြန်မာ့မငြိမ်မသက်မှုဟာ အရေးပါတဲ့ ဒီစီမံကိန်းကို တားဆီးဖို့ ခွင့်မပြုနိုင်ပါဘူး။ စီမံကိန်း အခြေအနေ တိုးတက်မှု သေချာစေဖို့အတွက် လက်တွေ့ကျတဲ့ ဖြေရှင်းနည်းတွေကို ရှာရပါမယ်”
ပွဲစားများက စွန့်ပစ်ခဲ့သည့် မြန်မာ နိုင်ငံသား ၁၂၀ နီးပါး ထိုင်းတွင် ဖမ်းဆီးခံရ
မလေးရှားနှင့် ထိုင်းနိုင်ငံ ပြည်နယ်များသို့ သွားရောက်ရန် ထွက်ခွာလာသော မြန်မာနိုင်ငံသား ၁၂၀ နီးပါး ပွဲစားများက စွန့်ပစ်မှုကြောင့် ထိုင်းအာဏာပိုင်းမျာတွင် ဖမ်းဆီးခံခဲ့ရကြောင်း ထိုင်းနိုင်ငံ သတင်းများက ဖော်ပြသည်။ ဖေဖော်ဝါရီလ ၁၈ ရက်နေ့ ညနေ ၅ နာရီ ၃၀ မိနစ်အချိန် ထိုင်းနိုင်ငံ၊ ထိုင်း-မြန်မာ နယ်စပ် ကန်ချနဘူရီပြည်နယ်၊ ဆန်ခလဘူရီမြို့မှာ တရားမဝင် ဝင်ရောက်ရှိလာသော ကလေးငယ် ၂ ဦးနှင့် အမျိုးသမီး ၄၄ ဦးအပါအဝင် မြန်မာ ၁၁၆ ဦး ဖမ်းဆီးခံခဲ့ရသည်။ အဖမ်းခံရသူများထဲမှ ထိုင်းစကား အနည်းငယ်တတ်သူများ၏ ပြောဆိုချက်အရ မြန်မာနိုင်ငံတွင် စစ်ကောင်စီတပ်က ဆင့်ခေါ်နေသော စစ်မှုထမ်းအဖြစ်မှ ရှောင်တိမ်းရန် ထွက်ပြေးလာကြသည်ဟု
မဲဆောက်တွင် ပြောင်းစေ့များထည့်ထားသည့် ကားတွင် ပုန်းအောင်း လိုက်ပါလာသည့် မြန်မာ ၈ဦး ဖမ်းဆီးခံရ
ထိုင်းနှင့် မြန်မာနယ်စပ်ဖြစ်သည့် ထိုင်းနိုင်ငံ မဲဆောက်မြို့အထွက်တွင် ပြောင်းစေ့များထည့်ထားသည့် ကားတွင် ပုန်းအောင်း လိုက်ပါလာသည့် မြန်မာနိုင်ငံသား ၈ဦး ဖမ်းခံလိုက်ကြောင်း ထိုင်းအခြေစိုက် သတင်း ဌာနများက ဖော်ပြသည်။ ဖေဖော်ဝါရီလ ၆ ရက်နေ့ နံနက် ၁နာရီ ဝန်းကျင်အချိန်က မဲဆောက်မြို့အထွက်ရှိ ဟွေ့ဟင်ဖွန် ပူးပေါင်းစစ်ဆေးရေးဂိတ်တွင် ကုန်တင်ကားတစ်စီးအား ပူးပေါင်းအဖွဲ့က ရပ်တန့်စစ်ဆေးရှာဖွေရာ ယင်းကဲ့သို့ တွေ့ရှိခဲ့ခြင်း ဖြစ်သည်။ ၎င်းတို့မှာ တရားမဝင်တရားမဝင်နည်းလမ်းဖြင့် ဝင်ရောက်လာမှု ကားပေါ်တွင် ပြောင်းစေ့များ တင်ဆောင်လာသည့် အောက်တွင် ပုန်းအောင်းလိုက်ပါလာခြင်း ဖြစ်ပြီး စစ်ဆေးရေး ဂိတ်တွင် ဖမ်းဆီးခံရခြင်း ဖြစ်သည်။ ဖမ်းဆီးခံရမှုတွင် အမျိုးသား ၆ ဦး၊ အမျိုးသမီး ၂ဦးတို့ ဖြစ်ပြီး
အမေရိကန်အကူအညီဖြင့် ဒုက္ခသည်များအား ဆေးကုပေးနေသော ထိုင်းက ဆေးရုံဆေးခန်းများ ပိတ်သိမ်းခံရ
အမေရိကန်ထောက်ပံ့မှုများဖြင့် လည်ပတ်နေသော မြန်မာဒုက္ခသည် သောင်းနှင့်ချီကို ဆေးကုပေးနေသည့် ထိုင်းနိုင်ငံအတွင်းက ဆေးရုံဆေးခန်းများကို ပိတ်သိမ်းလိုက်ပြီဖြစ်ကြောင်း ဘန်ကောက်ပို့စ်သတင်းက ဖော်ပြသည်။ သမ္မတ ဒေါ်နယ်ထရမ့် ဦးဆောင်သော အမေရိကန်အစိုးရအဖွဲ့၏ ရက် ၉၀ မူဝါဒကြောင့် ထိုင်း-မြန်မာ နယ်စပ်ရှိ ဒုက္ခသည်သောင်းနှင့်ချီကို ဝန်ဆောင်မှုပေးနေသည့် ကျန်းမာရေးစောင့်ရှောက်မှု လုပ်ငန်းများ ရပ်နားခံလိုက်ရခြင်းဖြစ်သည်။ ထိုင်းတာဝန်ရှိသူများသည် အမေရိကန်အကူအညီဖြင့် လည်ပတ်နေသော နိုင်ငံတကာ ကယ်ဆယ်ရေးကော်မတီ (IRC) ၏ ဆေးရုံဆေးခန်းများသို့ ရောက်ရှိလာပြီး ဇန်နဝါရီလ ၃၁ ရက်နေ့တွင် အပြီးပိတ်သိမ်းရန် ညွှန်ကြားခဲ့ကြောင်း သိရသည်။ IRC ကို မီဒီယာများက မှတ်ချက်ပေးရန် မေးမြန်းရာတွင် ပြန်လည်တုန့်ပြန်ခြင်းမရှိပေ။ ဒေါ်နယ်ထရမ့် သည် ၎င်း၏ “America First”
မလေးရှားတွင် ယခုရက်ပိုင်းတွင် မြန်မာရာနှင့်ချီ ဖမ်းဆီးခံရ၊ အသွားအလာ ဆင်ခြင်ကြဖို့ ပြော
မလေးရှားနိုင်ငံတွင် ယခု ရက်ပိုင်းအတွင်း မြန်မာနိုင်ငံသားများ အပါအဝင် အထောက်အထားမဲ့ နိုင်ငံခြားသားများ ရာနှင့်ချီ ဖမ်းဆီးခံရပြီး မြန်မာနိုင်ငံသား ဆိုင်များကိုလည်း ဝင်ရောက် ပိတ်သိမ်းခဲ့ကြောင်း မလေးရှားရောက် မြန်မာနိုင်ငံသားများက ပြောသည်။ မလေးရှားနိုင်ငံ၊ ကွာလာလမ်ပူမြို့ ဂျလန်အာလောနှင့် ဘူကစ်ဘင်တန်း၊ ပီနန်း ကောင်တာ၊ ပါဟန်းပြည်နယ်၊ ကွမ်တန်း၊ ဆလန်ဂေါပြည်နယ်၊ ပီဂျေ ကိုတာ ဒမန်ဆာရာ ဧရိယာတစ်ဝိုက်တွင်နှင့် ရှားလန်း ဆက်ရှင်-၁၅ တို့တွင် ဖမ်းဆီးခဲ့သည်။ ထို့အပြင် ပြီးခဲ့သည့် ဇန်နဝါရီ ၂၃ ရက်နေ့ကလည်း မလေးရှားနိုင်ငံ တရန်ဂန်နျူးပြည်နယ်တွင် မြန်မာနိုင်ငံသားအပါအဝင် ပါကစ္စတန်နှင့် ဘင်္ဂလားဒေ့ရှ်နိုင်ငံသားတို့ အလုပ်လုပ်ကိုင်နေသည့် ဆောက်လုပ်ရေးလုပ်ခွင်များအား ဝင်ရောက်ဖမ်းဆီးခဲ့သည်။ ဇန်နဝါရီ ၂၂ ရက်နေ့ကလည်း ကွာလာလမ်ပူ
နယ်စပ်ပြဿနာဖြေရှင်းရန် မြန်မာကို ဘင်္ဂလားဒေ့ရှ် တိုက်တွန်း
လက်ရှိဖြစ်ပေါ်နေသော နယ်စပ်နှင့် ရခိုင်ပြဿနာများကို ဖြေရှင်းရန် မြန်မာကို ဘင်္ဂလားဒေ့ရှ်က တောင်းဆိုထားပြီး နယ်စပ်ထိန်းချုပ်မှုအပေါ် အာရက္ခတပ်တော် AA ကဲ့သို့သော အစိုးရမဟုတ်သော အဖွဲ့အစည်းများနှင့် ညှိနှိုင်းဆွေးနွေးရန် မဖြစ်နိုင်ကြောင်း ဘင်္ဂလားဒေ့ရှ်က ပြောကြားထားသည်။ ဘင်္ဂလားဒေ့ရှ် နိုင်ငံခြားရေး အကြံပေး Md Touhid Hossain က ထိုင်းနိုင်ငံတွင် ဒီဇင်ဘာလ ၁၉ ရက် ကြာသပတေးနေ့က ကျင်းပသည့် အလွတ်သဘော ဆွေးနွေးပွဲမှာ မြန်မာနိုင်ငံကို သဝဏ်လွှာပေးပို့ တောင်းဆိုခဲ့ခြင်းဖြစ်သည်။ အဆိုပါ အလွတ်သဘောဆွေးနွေးပွဲသို့ ဘင်္ဂလားဒေ့ရှ်၊ မြန်မာ၊ အိန္ဒိယ၊ တရုတ်၊ လာအိုနှင့် အခြားနိုင်ငံများမှ အကြီးတန်းကိုယ်စားလှယ်များ တက်ရောက်ဆွေးနွေးခဲ့ကြသည်။ “ဘင်္ဂလားဒေ့ရှ်-မြန်မာနယ်စပ်ဒေသဟာ မြန်မာအစိုးရရဲ့ ထိန်းချုပ်မှုအောက်မှာ မရှိတော့ဘူးဆိုတာကို ကျနော်တို့
လေကြောင်းတိုက်ခိုက်မှု တိုးမြှင့်လာသည့် မြန်မာစစ်တပ်ကို ဗြိတိန်သံအမတ်ကြီး ရှုတ်ချ
နိုဝင်ဘာလ ၂၀ ရက်နေ့တွင် ကုလသမဂ္ဂလုံခြုံရေးကောင်စီက မြန်မာ့အရေး တံခါးပိတ်အစည်းအဝေးကို ကျင်းပခဲ့ပြီး လေကြောင်းတိုက်ခိုက်မှု အလွန်တိုးမြှင့်လာသည့် မြန်မာစစ်တပ်ကို ဗြိတိန်သံအမတ်ကြီး Barbara Woodward က ရှုတ်ချလိုက်သည်။ မြန်မာ့အရေး တံခါပိတ်အစည်းအဝေးသို့ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်၊ မြန်မာ့အရေး ဖြေရှင်းရေး အာဆီယံအထူးကိုယ်စားလှယ်နှင့် ကုလသမဂ္ဂသံအမတ်ကြီး ဦးကျော်မိုးထွန်းတို့ တက်ရောက်ခဲ့ကြပြီး လုံခြုံရေးကောင်စီအဖွဲ့ဝင် နိုင်ငံများလည်း တက်ရောက်ခဲ့ကြကြောင်း သိရသည်။ စစ်အာဏာသိမ်းပြီးချိန်မှစတင်၍ လွန်ခဲ့သော ၃ လအတွင်း မြန်မာစစ်တပ်အနေဖြင့် လေကြောင်းတိုက်ခိုက်မှု အများဆုံးလုပ်ဆောင်ခဲ့ကြောင်း သတင်းစာရှင်းလင်းပွဲတွင် ဗြိတိန်သံအမတ်ကြီးက ပြောဆိုခဲ့သည်။ မြန်မာစစ်တပ်အနေဖြင့် ပြည်သူများကို တိုက်ခိုက်ရာတွင် ပေါက်ကွဲမှု ပြင်းထန်သော စစ်ဘက်ဆိုင်ရာ လက်နက်များကို အသုံးပြုလာပြီး မြေမြှပ်မိုင်းနှင့် လက်နက်ကြီးများကိုလည်း