(ပုဏ္ဏားကျွန်း ဆေးရုံနှင့် ကျောက်ဖြူက နေအိမ်များ ထိခိုက်ပျက်စီး) ရခိုင်ပြည် ကျောက်ဖြူမြို့နယ်နှင့် ပုဏ္ဏားကျွန်းမြို့ ဆေးရုံကို စစ်ကောင်စီက ဒရုန်းဖြင့် ဗုံးကြဲခြင်း၊ အတွဲလိုက်ဒုံးများဖြင့် ပစ်ခတ်တိုက်ခိုက်ခဲ့၍ ဆေးရုံနှင့် လူနေအိမ်များ ထိခိုက်ပျက်စီးသွားကြောင်း သိရသည်။ ယမန်နေ့ မတ်လ ၂၇ ရက်နေ့ ညနေပိုင်းတွင် ကျောက်ဖြူမြို့နယ် ဂုံးချွိန်တိုက်နယ် ကုလာဘာကျေးရွာကို စစ်ကောင်စီက ဒရုန်းဖြင့် ဗုံးကြဲတိုက်ခိုက်မှုကြောင့် လူနေအိမ်အချို့ မီးလောင်ပျက်စီးသွားသည်။ ယနေ့ မတ်လ ၂၈ ရက် နံနက် ၉ နာရီခန့်ကလည်း ကျောက်ဖြူမြို့နယ် ပြင်ရှည်ကျေးရွာအနီးတစ်ဝိုက်ကို ဂျက်ဖိုက်တာတစ်စီးဖြင့် လေကြောင်းဗုံးကြဲတိုက်ခိုက်ခဲ့ကြောင်း သိရသည်။ အရပ်သားပြည်သူများ ထိခိုက်မှုရှိမရှိကို Western News က ဆက်လက် စုံစမ်းနေဆဲဖြစ်သည်။

ရခိုင်ပြည် ကျောက်ဖြူမြို့ ပင်လယ်ပြင်မှာ ဒေသခံ ကျောက်ဖြူရေလုပ်သား ၉ ဦး ငါးဖမ်းနေစဉ် ရေပိုင်နက် ကျူးသည်ဟုဆိုကာ စစ်ကောင်စီရေတပ်က ဖမ်းဆီးသွားကြောင်း ဒေသခံများ၏ ပြောဆိုချက် အရ သိရသည်။ မတ်လ ၂၂ နေ့က ကျောက်ဖြူမြို့နယ်ဒေသခံ ၉ ဦးမှာ ဘုတ်တစ်စီးဖြင့် မြို့အနီး ပင်လယ်ပြင်မှာ ငါးရှာဖွေနေရင်း စစ်ကောင်စီတပ်၏ ဓညဝတီရေတပ်က ဖမ်းဆီးသွားခြင်းဖြစ်သည်။ “ကိုယ့်မြေ ကိုယ့်ရေပြင်မှာ ငါးဖမ်းတာကို ပိုက်နက်ကျူးကျော်တယ်ဆိုပြီး အဖမ်းခံရတယ်။ ကျောက်ဖြူဒေသခံတွေက ဒီပင်လယ်ပြင်မှာပဲ ငါးဖမ်းလာကြတာ။ လုပ်ကိုင်စားသောက်လာကြတာပါ။ ဖမ်းချင်လို့ကို အကြောင်းပြတာပါ” ဟု ကျောက်ဖြူဒေသခံတစ်ဦးက ပြောသည်။ ဖမ်းဆီးခံရသူ ၉ ဦးမှာ ကျောက်ဖြူမြို့နယ် ချင်းမင်းပြင်ရွာက မောင်ကျော်လင်းအောင်နှင့် ကိုဇင်မင်းဌေး

အာရက္ခတပ်တော် AA ထိန်းချုပ်ထားသော ရခိုင်ပြည်၊ ပုဏ္ဏားကျွန်းမြို့နယ်ကို စစ်ကောင်စီ လေကြောင်းက ယမန်နေ့ မတ်လ ၂၅ ရက် ညနေပိုင်းတွင် ဗုံးကြဲမှုကြောင့် မိသားစုများ သေဆုံး ထိခိုက် ဒဏ်ရာရရှိခဲ့သည်။ ပုဏ္ဏားကျွန်းမြို့နယ် အောင်ဖြူပြင်ကျေးရွာကို ညနေ ၇ နာရီကျော်အချိန်တွင် ပေါင် ၅၀၀ ဗုံးအသုံးပြုပြီး ဂျက်ဖိုက်တာ တစ်စီးဖြင့် စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့ကြောင်း ဒေသခံများ က ပြောသည်။ ပုဏ္ဏားကျွန်း ဒေသခံတစ်ဦးက “အောင်ဖြူပြင်ရွာကို စစ်ကောင်စီက ဂျက်ဖိုက်တာတစ်စီးနဲ့ ဗုံး ၃ လုံးထက်မနည်း ကြဲချတိုက်ခိုက်ခဲ့တယ်။ မိသားစု ၃ ဦးသေဆုံးပြီးတော့ ၁၄ ဦးထက်မနည်း ဒဏ်ရာရသွားတယ်။ နေအိမ်တွေလည်း ပျက်စီးသွားတယ်”

အာရက္ခတပ်တော် AA သိမ်းပိုက်ထားသော ရခိုင်ပြည် ပုဏ္ဏားကျွန်းနှင့် ပေါက်တောမြို့နယ်တို့ကို မတ်လ ၂၂ ရက် နံနက် ၃ နာရီဝန်းကျင်နှင့် နံနက် ၉ နာရီဝန်းကျင်တို့တွင် စစ်ကောင်စီက ပေါင် ၅၀၀ ဗုံးများဖြင့် တိုက်ခိုက်ခဲ့သည်။ ပုဏ္ဏားကျွန်းမြို့နယ် ကျော်ဇံကျေးရွာကို ယနေ့ နံနက် ၉ နာရီဝန်းကျင်က ဂျက်ဖိုက်တာဖြင့် နှစ်ကြိမ်လာရောက်ကာ ဗုံး ၄ လုံးထက်မနည်း ကြဲချတိုက်ခိုက်ခဲ့ခြင်းကြောင့် နေအိမ်အများအပြား ထိခိုက်ပျက်စီးသွားခဲ့သည်။ ပုဏ္ဏားကျွန်းဒေသခံတစ်ဦးက “ကျော်ဇံရွာကို စစ်ကောင်စီက ဗုံး ၃၊ လေးလုံးလောက် ကြဲသွားတယ်။ ဒီနေ့ မနက် ၉ နာရီလောက်ပဲ။ ဘယ်လောက် ထိခိုက်ပျက်စီးသွားသလဲကိုတော့ မသိရသေးဘူး” ဟု ပြောသည်။

အာရက္ခတပ်တော် AA သည် ဒေသခံပြည်သူ့တော်လှန်ရေးအဖွဲ့များဖြင့် ရခိုင်ပိုင်နက် ရခိုင်ရိုးမတောင်ကို ကျော်လွန်ပြီး မကွေး၊ ပဲခူးနှင့် ဧရာဝတီတိုင်းတို့က စစ်ကောင်စီ၏ တပ်စခန်းများကို ထိုးစစ်ဆင်တိုက်ခိုက်နေသည်။ AA သည် ထိုးစစ်ကို ရခိုင်ရိုးမတောင်ပေါ်တွင် ရပ်တန့်ထား၍ ရသော်လည်း အပြင်စည်း လုံအောင် ကာရန်သည့် အနေဖြင့် ရိုးတောင်ကိုကျော်ကာ စစ်ကောင်စီ တပ်စခန်းများကို တိုက်ခိုက်နေခြင်း ဖြစ်သည်ဟု CDM ဗိုလ်ကြီး ဇင်ယော်က ပြောသည်။ “စစ်သဘောနဲ့ ကြည့်မယ်ဆိုရင် စစ်ကောင်စီက သူတို့ အင်အားချိနည်းပြီး စစ်ရှုံးသွားတယ်ပေါ့နော်။ ဒါပေမယ့် သူတို့နယ်မြေတွေကို သူတို့ကတော့ ပြန်လိုချင်အုံးမှာဆိုတော့ သူ့အနေနဲ့ အင်အားစုဖွဲ့မှု ကောင်းလာရင် ပြန်တိုက်မှာပဲ။ ပြန်တိုက်မယ်ဆိုရင် အခု အာရက္ခတပ်တော် တိုက်နေတဲ့

အာဏာသိမ်း စစ်ကောင်စီ၏ လေကြောင်းဗုံးကြဲမှု၊ လက်နက်ကြီး ပစ်ခတ်မှုများကြောင့် ရခိုင်မှာ နှစ်လကျော်အတွင်း အရပ်သား ၄၅ ဦးသေဆုံးသွားကြောင်း သိရသည်။ ဇန်နဝါရီလ ၁ ရက်နေ့မှ မတ်လ ၁၁ ရက်နေ့အထိ ကောက်ယူထားသော စာရင်းအရ ရခိုင်ပြည်အတွင်း အမျိုးသမီး ၂၄ ဦးနှင့် အမျိုးသား ၂၁ ဦး သေဆုံးသွားခဲ့ရသည်ဟု AAPP က မတ်လ ၁၁ ရက်တွင် ပြောသည်။ ရခိုင်မှာ နှစ်လကျော်အတွင်း အရပ်သား ၄၅ ဦးသေဆုံးခဲ့သည်ကို AAPP က အမည်နှင့်တကွ အတည်ပြုနိုင်ခဲ့သည်ဟုလည်း ပြောဆိုထားသည်။ ထိုအထဲတွင် အသက် ၂ နှစ်အရွယ် ကလေးငယ် (အမျိုးသား) တစ်ဦးအပါအဝင်

ရခိုင်ပြည် ကျောက်ဖြူမြို့နယ် စနဲမြို့က ပြည်သူ့ဆေးရုံကြီးကို အာဏာသိမ်း စစ်ကောင်စီက ယနေ့ မတ်လ ၁၀ ရက်နေ့ နံနက်ပိုင်းတွင် ဒရုန်းနှင့် ဗုံးကြဲတိုက်ခိုက်ခဲ့ကြောင်း သိရသည်။ ကျောက်ဖြူမြို့အနီးရှိ စစ်ကောင်စီ၏ အမှတ် ၁၈ တောင်မော်ကြီး ရေတပ်စခန်းမှ သေခံဒရုန်းနှစ်စီးဖြင့် ဗုံးကြဲတိုက်ခိုက်ခဲ့ခြင်းဖြစ်ပြီး ဆေးရုံပျက်စီးသွားကြောင်း သိရသည်။ “ဗုံးသီးတွေက ခွဲစိတ်ခန်းထဲတယ်။ တခြားခေါင်မိုးတွေလည်း ကျတယ်။ ခွဲစိတ်ခန်းကပျက်စီးသွားပြီးတော့ ခေါင်မိုးတွေ ပျက်စီးသွားတယ်။ နံနက် ၃ နာရီလောက်မှာ စစ်ကောင်စီက ဗုံးလာကြဲခဲ့တာဖြစ်တယ်” ဟု ဒေသခံတစ်ဦးက ပြောသည်။ ကျောက်ဖြူမြို့နယ်ရှိ စစ်ကောင်စီ၏ ဓညဝတီရေတပ်အနီး တစ်ဝိုက်တွင် စစ်ကောင်စီတပ်နှင့် AA တို့်မှာ တိုက်ပွဲဖြစ်ပွားနေကြပြီး စစ်ကောင်စီဘက်က အရပ်သားနေ ကျေးရွာများ၊

စစ်ကောင်စီတပ်က ဂျက်ဖိုက်တာ တစ်စီးဖြင့် နှစ်ကြိမ်တိုင် ဗုံးကြဲမှုကြောင့် ရခိုင်ပြည်၊ ဂွမြို့နယ်က အရပ်သားတစ်ဦး သေဆုံးခဲ့ပြီး နှစ်ဦး ပြင်းထန် ဒဏ်ရာရရှိခဲ့ကြောင်း ဂွမြို့နယ် ဒေသခံများက Western News ကို ပြောသည်။ မတ် ၉ ရက်နေ့ နံနက်ပိုင်း ၁ နာရီကျော်တွင် ဂွမြို့နယ်၊ ဘဝင်ရွာကို ဂျက်ဖိုက်တာ တစ်စီးဖြင့် လာရောက်ဗုံးကြဲမှုကြောင့် အိပ်ပျော်နေသည့် မိသားစုများထဲမှ ဖခင်ဖြစ်သူမှာ သေဆုံးခဲ့ပြီး သမီးဖြစ်သူနှင့် သားဖြစ်သူတို့ ဒဏ်ရာ ရရှိခဲ့သည်။ ဂွဒေသခံတစ်ဦးက “ကျွန်တော် ခန့်မှန်းသလောက်ဆိုရင် ၁ နာရီ ၄၅ လောက်ရှိမယ်။ တစ်ကြိမ်လာကြဲတယ်။ နောက်တစ်ကြိမ်ကတော့ ၂နာရီ ဝန်းကျင်လောက်ရှိတယ်။ သူတို့က ဒုတိယအကြိမ်မှာ

ရခိုင်ပြည်၊ ကျောက်ဖြူမြို့နယ်ကို စစ်ကောင်စီက မတ်လ ၇ ရက် နေ့လယ်ပိုင်းက ဗုံးကြဲတိုက်ခိုက်ခဲ့၍ ကြတ္တိန်ရွာက နေအိမ် ၃၅ ဆောင်ထက်မနည်း မီးလောင်ပြာကျသွားကြောင်း သိရသည်။ နေ့လယ် ၂ နာရီခန့်တွင် စစ်ကောင်စီက ဂျက်ဖိုက်တာတစ်စီးနှင့် သစ်ပုတ်တောင်တိုက်နယ်က ကြတ္တိန်ကျေးရွာကို လေကြောင်းဗုံးကြဲတိုက်ခိုက်ခဲ့ခြင်းဖြစ်သည်။ ဒေသခံတစ်ဦးက “ဟိုတနေ့ကလည်း ဦးကင်းရွာကို လေကြောင်းကနေ ဗုံးကြဲခဲ့တယ်။ မနေ့ကလည်း ထပ်ပြီး ကြတ္တိန်ရွာကို ဗုံးကြဲတိုက်ခိုက်တယ်။ တော်ပါသေးတယ်။ အရပ်သားတွေ စောစောစီးစီး နေရာရွှေ့ပြောင်းထားလို့။ ဒါပေမယ့် ဖုန်းဆက်လိုင်း အဆက်အသွယ်မရသေးတော့ လူထိခိုက်မှုရှိလားမရှိဘူးလားတော့ မသိရသေးဘူး” ဟု ပြောသည်။ မတ်လ ၆ ရက် နေ့လယ်နှင့် ညနေပိုင်းတွင် ဦးကင်းကျေးရွာကို စစ်ကောင်စီသည် လေကြောင်းကနေ

တိုက်ပွဲများနှင့် စစ်ကောင်စီ၏ လက်နက်ကြီး လေကြောင်းပစ်ခတ်မှု အန္တရာယ်များကြောင့် စစ်တွေမြို့ထဲက သောင်းနှင့် ချီသော ပြည်သူများမှာ ဘေးလွတ်ရာကို ပြောင်းရွှေ့လိုကြသော်လည်း ခေါ်ယူမည့်သူမရှိ၍ ပိတ်မိနေကြသည်ဟု ဒေသခံများထံမှ သိရသည်။ စစ်တွေမြို့အနီး စစ်ကောင်စီတပ်နှင့် အာရက္ခတပ်တော် AA တို့ တိုက်ပွဲမှာ တစ်ရက်ထက် တစ်ရက် ပြင်းထန်လာနေပြီး စစ်ရှောင်ပြည်သူ ၈၀၀၀ ကျော်အပါအဝင် အခြေခံအလုပ်သမားများနှင့် ဆင်ခြေဖုံးရပ်ကွက် ဒေသခံပြည်သူ သောင်းချီမှာ တိုက်ပွဲနှင့် ဝေးရာကို တိမ်းရှောင်ရန် ဆန္ဒရှိနေကြသည်။ “ပိုက်ဆံရှိတဲ့ သူတွေက ရန်ကုန်၊ မန္တလေး၊ နေပြည်တော်ကို သွားပြီး ထွက်ပြေးနိုင်တယ်။ ကျမတို့လို ဆွေးမရှိ မျိုးမရှိ ဆင်းရဲသားတွေ၊ အလုပ်သမားတွေက ဘယ်ကို သွားရမလဲ မသိဘူး။