အာရက္ခတပ်တော် AA က သိမ်းပိုက်ထားသော မြို့နယ်များတွင် စစ်ကောင်စီခန့်ထားခဲ့သည့် ရပ်/ကျေးအုပ်ချုပ်ရေးမှူးများကို အပြောင်းအလဲလုပ်နေကြောင်း ဒေသခံသတင်းရင်းမြစ်များထံမှ သိရသည်။ အထူးသဖြင့် ရခိုင်ပြည် မြောက်ပိုင်းဘက်က ထိန်းချုပ်နယ်မြေများတွင် ပြုလုပ်နေပြီး ပြီးခဲ့သည့် ရက်ပိုင်းအတွင်း လေကြောင်းတိုက်ခိုက်မှု ဆက်တိုက်ခံရပြီးနောက်ပိုင်း ပြုလုပ်လာခြင်းဖြစ်သည်။ “မြေပုံ၊ မင်းပြား၊ မြောက်ဦး၊ ကျောက်တော်၊ ပေါက်တော၊ ပုဏ္ဏားကျွန်းနဲ့ ရသေ့တောင်၊ ဘူးသီးတောင်ဒေသတွေမှာ အဓိက ရပ်/ကျေးအုပ်ချုပ်ရေးမှူးတွေကို အပြောင်းအလဲလုပ်နေတယ်လို့ သိရပါတယ်။ ဘာကြောင့်ဆိုတာမျိုးတော့ မသိဘူး။ ပြီးခဲ့တဲ့ ရက်ပိုင်း ဗုံးဆက်တိုက်ကြဲခံရတာနဲ့ ပတ်သက်မယ်ထင်တာပဲ” ဟု မြောက်ဦးသတင်းရင်းမြစ်တစ်ဦးက ပြောသည်။ AA သည် ရခိုင်ပြည်အတွင်း အုပ်ချုပ်ရေးယန္တရားများကို စတင်ကတည်းက ရပ်ကွက်နှင့် ကျေးရွာများတွင် စစ်ကောင်စီခန့်ထားသော အုပ်ချုပ်ရေးမှူးများနှင့်အပြိုင်

ရခိုင်ပြည်နယ် စစ်ကောင်စီ ဝန်ကြီးချုပ် ဦးထိန်လင်းသည် စစ်တွေမြို့အတွင်း တာဝန်ထမ်းဆောင်လျက်ရှိနေကြသည့် ဌာနဆိုင်ရာဝန်ထမ်းများအား တွေ့ဆုံကာ နိုင်ငံ့ဝန်ထမ်းများသည် နိုင်ငံတော်အပေါ် သစ္စာရှိနေဖို့ လိုအပ်ကြောင်း ပြောကြားသည်။ ယနေ့ ဇန်နဝါရီလ ၁၄ ရက်တွင် စစ်တွေမြို့ရှိ ပြည်နယ်လယ်ယာဖွံ့ဖြိုးရေးဘဏ်ဝန်ထမ်းများနှင့် ပြည်နယ်သာသနာရေး ဦးစီးဌာနဝန်ထမ်းများအား သွားရောက်တွေ့ဆုံရာတွင် ဦးထိန်လင်းက ပြောဆိုခဲ့ခြင်းဖြစ်သည်။ “ဌာနများက တင်ပြချက်ကို ပြန်လည်ဆွေးနွေးပြီး နိုင်ငံ့ဝန်ထမ်းသည် နိုင်ငံတော်အပေါ် သစ္စာရှိနေဖို့လိုအပ်ကြောင်း ရင်းနှီးနွေးထွေးစွာရှင်းလင်းပြောကြားခဲ့သည်” ဟု ရခိုင်ပြည်နယ်စစ်ကောင်စီ ပြောခွင့်ရ ဦးလှသိန်းက လူမှုကွန်ရက်စာမျက်နှာကတစ်ဆင့် ထုတ်ပြန်ထားသည်။ ယင်းအပြင် ဦးထိန်လင်းနှင့် ပြည်နယ်ဝန်ကြီးအဖွဲ့တို့သည် စစ်တွေမြို့ရှိ ကုလားတန်ဖွံ့ဖြိုးရေး စီမံကိန်းဆိပ်ကမ်းတွင် ကုန်တင်ကုန်ချလုပ်နေသော ကမ်းရိုးတန်းသွားသင်္ဘောများကို ကြည့်ရှုစစ်ဆေးခဲ့ကြောင်း သိရသည်။ ဆက်လက်ပြီး ပြည်နယ်စစ်ကောင်စီ၏ အပတ်စဉ်ရုံးများသို့

ယခု ရက်ပိုင်းအတွင်း ရခိုင်ပြည်က ရမ်းဗြဲ၊ ကျောက်တော်၊ ပေါက်တော စသည့် မြို့နယ်အချို့ ဗုံးကြဲခံရမှုဖြစ်စဉ်များမှာ အာဏာသိမ်း စစ်ကောင်စီအား သတင်းပေးများရှိနေခြင်းကြောင့် ဖြစ်သည်ဟု စစ်ရေးစောင့်ကြည့်သူများက ပြောသည်။ ဇန်နဝါရီလ ၁၁ ရက် နံနက် ၉ နာရီက ကျောက်တော်မြို့ ဗုံးကြဲခံရမှုအတွင်း အာရက္ခတပ်တော် AA က အုပ်ချုပ်ရေးအဖွဲ့ဝင်အချို့ ဗုံးထိမှန်ပြီး သေဆုံးခဲ့သလို ဈေးရောင်းချနေသည့် ဒေသခံတချို့လည်း သေဆုံးခဲ့ကြောင်း သိရသည်။ အာရက္ခတပ်တော် AA က တရားဝင်ထုတ်ပြန်ခြင်းမရှိသော်လည်း မြေပြင်သတင်းများအရ ဗဟိုနိုင်ငံရေးမှူးအဖွဲ့ဝင် အကောက်အခွန်ဌာနက ဦးဝိုင်းမောင်နှင့် ၎င်း၏သားတို့ သေဆုံးသွားသည်ဟု သတင်းရင်းမြစ်က ပြောသည်။ ကျောက်တော်မြို့ခံတစ်ဦးက “ဗုံးထိလို့ ဗဟိုနိုင်ငံရေးမှူးအဖွဲ့ဝင် အကောက်အခွန်ဌာနက ဦးဝိုင်းမောင်နဲ့

ရခိုင်ပြည် ဂွမြို့နှင့်နီးသည့် ဧရာဝတီတိုင်းထဲက မကျီးဇင်တိုက်ပွဲကနေ ရွှေသောင်ယံအထိ ရောက်ရှိလာသည့်အတွက် အာဏာသိမ်း စစ်ကောင်စီသည် ချောင်းသာမြို့တွင် အထိုင်တပ်စခန်း နှစ်ခု တပ်စွဲထားကြောင်း ပုသိမ်သတင်းရင်းမြစ်က ပြောသည်။ “မကျီးဇင်တိုက်ပွဲကနေ ရွှေသောင်ယံအထိ ရောက်လာတော့ စစ်ကောင်စီဟာ ချောင်းသာမြို့မှာ ထပ်ပြီး အထိုင်တပ်စခန်း နှစ်ခုလောက် ချထားတာရှိတယ်။ မြို့အဝင်တွေမှာပေါ့။ ကျောက်မောင်နှမ မှာလည်း တပ်စွဲပြီး သံချပ်ကာ ကားတွေနဲ့ ပြင်ဆင်ထားတယ်။ ရှိနေတဲ့ စခန်းတွေမှာလည်း အင်အားထပ်ဖြည့်ထားတယ်” ဟု ပြောသည်။ မကျီးဇင်ဘက်က စစ်ကောင်စီတပ်စခန်းများကို အာရက္ခတပ်တော် AA နှင့် PDF ပူးပေါင်းတပ်ဖွဲ့က သိမ်းပိုက်ပြီးနောက် ရွှေသောင်ယံဘက်သို့ တိုက်ပွဲ ကူးစက်နေပြီဟု သတင်းရင်းမြစ်က ပြောသည်။ “မကျီးဇင်ဘက်က ထွက်ပြေးသွားတဲ့

အာဏာသိမ်း စစ်ကောင်စီ (မြန်မာစစ်တပ်) သည် ရခိုင်ပြည် ရမ်းဗြဲမြို့နယ် ကျောက်နီမော်ကျေးရွာနှင့် ကျောက်တော်မြို့ထဲကို ဗုံးအလုံးရေ ၂၀ ခန့် ကြဲချတိုက်ခိုက်ပြီးနောက် ပေါက်တောမြို့နယ် တောင်ဦးမော်ကျေးရွာကို ဗုံး နှစ်လုံး ကြဲချတိုက်ခိုက်ခဲ့သည်။ ရမ်းဗြဲ၊ ကျောက်တော်နှင့် ပေါက်တောမြို့တို့သည် အာရက္ခတပ်တော် AA သိမ်းပိုက်ထိန်းချုပ်ထားသော မြို့နယ်များဖြစ်ပြီး တိုက်ပွဲဖြစ်ပွားခြင်းမရှိဘဲ စစ်ကောင်စီသည် အရပ်သားများနေထိုင်ရာ မြို့ရွာများကို ရည်ရွယ်ချက်ရှိရှိ ဗုံးကြဲတိုက်ခိုက်နေခြင်းဖြစ်သည်။ ပေါက်တောမြို့နယ် တောင်ဦးမော်ကျေးရွာကို စစ်ကောင်စီက ဇန်နဝါရီလ ၁၂ ရက်နေ့ နံနက် ၁၁ နာရီခန့်တွင် ဂျက်ဖိုက်တာဖြင့် ဗုံးနှစ်လုံးကြဲချတိုက်တိုက်ခဲ့ပြီး လူအထိအခိုက်မရှိခဲ့သော်လည်း နေအိမ်တစ်လုံးနှင့် ဆိုင်ခန်းတစ်ခန်း ပျက်စီးသွားခဲ့ရသည်။ စစ်ကောင်စီသည် နံနက် ၁၀ နာရီ ၅၀

ရခိုင်ပြည် ကျောက်တော်မြို့ ယနေ့ ဇန်နဝါရီလ ၁၁ ရက် နံနက် ၁၀ နာရီဝန်းကျင်တွင် စစ်ကောင်စီက ဗုံးကြဲတိုက်ခိုက်ခဲ့၍ ထိခိုက်သေဆုံးမှု များပြားကြောင်း ခိုင်လုံသော သတင်းရင်းမြစ်များထံမှ သိရသည်။ ကျောက်တော်မြို့ ရှမ်းရွာနှင့် ပန်းထိမ်တန်းမှာ ဗုံး ၃ လုံးထက်မနည်း ကျရောက်ပေါက်ကွဲခဲ့ကြောင်းနှင့် ထိခိုက်သေဆုံးမှု စာရင်းအား ဆက်သွယ်ရေးအခက်အခဲကြောင့် မသိရသေးပေ။ Western News က အချက်အလက်အပြည့်အစုံအား ဆက်လက်စုံစမ်းနေဆဲဖြစ်သည်။ ပြီးခဲ့သည့် ဇန်နဝါရီလ ၈ ရက် နေ့လယ် ၁ နာရီကျော်အချိန်ကလည်း ရခိုင်ပြည် ရမ်းဗြဲမြို့နယ် ကျောက်နီမော်ကျေးရွာကို ဗုံးကြဲတိုက်ခိုက်မှုကြောင့် အရပ်သား ၄၁ ဦးသေဆုံးပြီး ဒဏ်ရာအများအပြား ရရှိခဲ့ကြောင်း သိရသည်။

၂၀၂၄ ခုနှစ် ဒီဇင်ဘာလ ၃၀ ရက်ကနေ ၂၀၂၅ ခုနှစ် ဇန်နဝါရီလ ၁၁ ရက်နေ့အထိ ၁၃ ရက်အတွင်း ရခိုင်ပြည်မှာ အာဏာသိမ်း စစ်ကောင်စီ၏ လေကြောင်းဗုံးကြဲတိုက်ခိုက်မှုကြောင့် ၅၁ ဦးသေဆုံးပြီး ဒဏ်ရာရရှိသူ ၃၇ ဦးရှိကြောင်း Western News ၏ မှတ်တမ်းအရ သိရသည်။ ဇန်နဝါရီလ ၈ ရက် နေ့လယ် ၁ နာရီ ၂၀ မိနစ်က ရခိုင်ပြည် ရမ်းဗြဲမြို့နယ် ကျောက်နီမော်ကျေးရွာကို စစ်ကောင်စီသည် လေကြောင်းမှ ဂျက်ဖိုက်တာတစ်စီးဖြင့် ဗုံးကြဲတိုက်ခိုက်ခဲ့ရာတွင် ၄၁ ဦးသေဆုံးခဲ့ပြီး ၂၀ ဦးထက်မနည်း ထိခိုက် ဒဏ်ရာ ရရှိခဲ့သည်။ အဆိုပါ ကျေးရွာတွင်လူနေအိမ်ပေါင်း

ရခိုင်ပြည် ရမ်းဗြဲမြို့နယ် ကျောက်နီမော် တိုက်နယ်ကျေးရွာ စစ်ကောင်စီ၏ လေကြောင်းဗုံးကြဲတိုက်ခိုက်မှုကို ခံရ၍ အပြစ်မဲ့အရပ်သား ၂၆ ဦး၊ ဒဏ်ရာရရှိသူ ၂၇ ဦးနှင့် လူနေအိမ်ပေါင်း ၃၉၈ လုံး မီးလောင်ကျွမ်း ပျက်စီးသွားကြောင်း အာရက္ခတပ်တော် AA က ယမန်နေ့ ဇန်နဝါရီလ ၁၀ ရက်တွင် ထုတ်ပြန်ထားသည်။ အာဏာသိမ်း စစ်ကောင်စီသည် ဇန်နဝါရီလ ၈ ရက် နေ့လယ် ၁ နာရီကျော်အချိန်က ရမ်းဗြဲကျောက်နီမော်ဆိပ်ကမ်းနှင့် ရွာထဲကို ဂျက်ဖိုက်တာဖြင့် လေကြောင်းဗုံးကြဲတိုက်ခိုက်ခဲ့သည်။ ထိုတိုက်ခိုက်မှုကြောင့် ရွာတောင်ပိုင်းရပ်ကွက်၊ ရွာအလယ်ပိုင်းရပ်ကွက်နှင့် မြောက်ပိုင်းရပ်ကွက်တို့ကို မီးအပြင်းအထန်လောင်ကျွမ်းခဲ့ပြီး သက်ကြီးရွယ်အိုများနှင့် ကလေးငယ်အများအပြား မီးထဲပါသွားခဲ့ကြောင်း AA က ဆိုသည်။ “လက်ရှိအချိန်အထိ

ရခိုင်ပြည် ကျောက်တော်မြို့ လူနေရပ်ကွက်များနှင့် ဈေးကို စစ်ကောင်စီက ယနေ့ ဇန်နဝါရီလ ၁၁ ရက် နံနက် ၉ နာရီကျော်အချိန်တွင် ဗုံးကြဲတိုက်ခိုက်ခဲ့သည်။ ဆေးရုံသွားရောက်ခဲ့သည့် ဒေသခံတစ်ဦးက “သေဆုံးသူ ၈ ဦးလောက်ရှိတယ်လို့ ပြောတယ်။ အတိအကျတော့ မသိရသေးဘူး။ အဲထက်လည်း ပိုကောင်းပိုနိုင်ပါတယ်။ ဒဏ်ရာရသူက ၂၀ လောက်တောင်ရှိတယ်လို့ ပြောတယ်။ တာဝန်ရှိသူတွေ ထုတ်ပြန်လာမယ်ထင်ပါတယ်” ဟု ပြောသည်။ ကျောက်တော်မြို့သည် ဖုန်းလိုင်း၊ အင်တာနက်လိုင်း ဖြတ်တောက်ခံထားရသည့် မြို့နယ်ထဲက တစ်ခုဖြစ်သည်။ ကျောက်တော်မြို့သည် အာရက္ခတပ်တော် AA ထိန်းချုပ်သိမ်းပိုက်ထားသော မြို့နယ်တစ်ခုဖြစ်ပြီး စစ်ကောင်စီသည် တိုက်ပွဲဖြစ်ပွားခြင်းမရှိဘဲ တမင်တကာ ရည်ရွယ်ချက်ရှိရှိ လေကြောင်းဗုံးကြဲတိုက်ခိုက်ခြင်းဖြစ်ဟည်။ အာရက္ခတပ်တော် AA ကလည်း