ရခိုင်က ဆေးရုံဆေးခန်းများတွင် သွေးလိုအပ်ချက်ရှိသည့် လူနာများအတွက် သွေးရှာဖွေရခက်ခဲလျက်ရှိနေပြီး ဆေးရုံးများတွင် အရေးပေါ် သွေးလိုအပ်ချက်များ ဖြည့်ဆည်းနိုင်မှု မရှိဘဲ ပြတ်တောက်နေမှုများ ဖြစ်နေကြောင်း အရပ်ဖက်သွေးလှူရှင်များအသင်းများမှ သိရသည်။ လက်ရှိအခြေနေအရ မည်သည့်သွေးအမျိုးအစားမဆို ရှာဖွေရခက်ခဲလျက်ရှိနေပြီး အရေးပေါ် လိုအပ်ချက်ရှိသူများ အတွက်ဆိုလျှင် များစွာ အခက်တွေ့ကြရကြောင်း တာဝန်ကျ ဆေးရုံသူနာပြု တစ်ဦးကပြောသည်။ “အရင်ကဆို သွေးလိုရင် သွေးအလှူရှင်အသင်းတွေက အဓိကတာဝန်ယူလုပ်ပေးကြတယ်။ အခုကျတော့ သူတို့လည်း မတတ်နိုင်ကြဘူး။ လူနာရှင်က ကိုယ့်ဘာသာကိုယ်ပဲ ထရှာကြရတယ်။ သူနာပြုတွေက အရေးပေါ်ဆိုရင် လှူပေးကြပါတယ်။ ဒါပေမယ့် ဆေးရုံးမှာ သွေးလိုအပ်ချက်က နေ့တိုင်းလိုလို ရှိနေတာဆိုတော့ ဘယ်အဆင်ပြေမလဲ” ဟုပြောသည်။ သွေးရှာဖွေခက်ခဲသည့်အပြင် သွေးတစ်ပုလင်းအတွက်ကုန်ကျစရိတ်မှာလည်း သိန်းဂဏန်းထိရှိနေသည့်အတွက် လူနာရှင်များမှာ ကုန်ကျစရိတ်ပိုသည့်အခက်ခဲများကိုပါ