ရခိုင်တွင် ယခု ၂၀၂၄ ခုနှစ်အတွင်း စိုက်ပျိုးသည့် မိုးစပါးအထွက်နှုန်းမှာ သိသာစွာကျဆင်းကြောင်း လယ်ယာလုပ်ကိုင်သူများက ပြောသည်။ ယခုနှစ် မိုးစပါးများ၏ သီးထွက်နှုန်းမှာ အလွန်နည်းပြီး ယခင်နှစ်များထက် ထက်ဝက်နှုန်းခန့်ကျဆင်းမှုရှိကြောင်း မြောက်ဦးမှ လယ်သမားတစ်ဦးက ပြောသည်။ “ဒီနှစ် အထွက်နှုန်းက တော်တော်ကိုကျပါတယ်။ စပါး အနှံတွေတော့ ထွက်လာတယ်။ အဆန်အပါတဲ့ အခွံတွေပဲ များပါတယ်။ အရင်နှစ်ကနဲ့ဆိုရင် တစ်ဝက်လောက်ကို ကျတယ်လို့ ပြောလို့ရတယ်” ဟု ပြောသည်။ ယခင်နှစ်များတွင် တစ်ဧကကို နို့ဆီဘူး ၅၂ ဘူးဆန့် တောင်းနှင့် တောင်း ၁၂၀ ကျော်ခန့် အထွက်နှုန်းရှိကြသော်လည်း ယခုနှစ်တွင် တောင်း ၇၀ ကျော်ခန့်လောက်သာ ထွက်ရှိခြင်းဖြစ်ကြောင်း သိရသည်။ လယ်သမားများမှာ