ထိုင်းနိုင်ငံ၊ ဘန်ကောက်မှ တောင်ကိုရီးယားသို့ ပျံသန်းလာသော ဂျေဂျူး (Jeju) လေကြောင်းလိုင်း၏ လေယာဉ်တစီးပေါက်ကွဲမှုမှာ ခရီးသည် ၁၇၃ ဦး သေဆုံးခဲ့ကြောင်း နောက်ဆုံးရ ကိုရီးယား သတင်းများက ဖော်ပြကြသည်။ ဘန်ကောက်မှ တောင်ကိုရီးရားနိုင်ငံ၊ မွမ်းအပြည်ပြည်ဆိုင်ရာလေဆိပ်သို့ ပျံသန်းလာသော Jeju လေကြောင်းလိုင်း၏ ခရီးသည်တင်လေယာဉ်တစီးမှာ ဒီဇင်ဘာ ၂၉ ရက်နေ့ နံနက် ၉ နာရီခန့်တွင် လေယာဉ်ပြေးလမ်းခြံစည်းရိုးနှင့်တိုက်မိပြီး ပေါက်ကွဲမှုဖြစ်ပွားခဲ့သည်။ Jeju လေကြောင်းလိုင်း၏ Boeing 737-800 လေယာဉ်၊ လေယာဉ်အမှတ် 7C2216 သည် တောင်ကိုရီးယားနိုင်ငံ၊ Muan အပြည်ပြည်ဆိုင်ရာ လေဆိပ်တွင် လေယာဉ်ဘီးများ ချမရဘဲ ဆင်းသက်လာစဉ် ပြေးလမ်းအဆုံး ခြံစည်းရိုးနံရံနှင့် တိုက်မိခဲ့ခြင်း ဖြစ်သည်။