DMG သတင်းထောက် လွတ်မြောက်ရေး RSF တောင်းဆို
ရခိုင်အခြေစိုက် DMG သတင်းဌာနမှ သတင်းထောက် ကိုထက်အောင်နှင့် ရုံးဝန်ထမ်း ကိုစိုးဝင်အောင်တို့ နှစ်ဦး အမြန်ဆုံးပြန်လည်လွတ်မြောက်ရေး စစ်ကောင်စီကို ဖိအားပေးရန် နယ်စည်းမခြားသတင်းထောက်များအဖွဲ့ RSF က တောင်းဆိုလိုက်သည်။ DMG သတင်းထောက်နှင့် ရုံးဝန်ထမ်းအပြင် မြန်မာနိုင်ငံအတွင်း မတရားထောင်ဒဏ်ချမှတ်ခံထားရခြင်းနှင့် ဖမ်းဆီးခံထားရသော သတင်းများအားလုံး ပြန်လည်လွတ်မြောက်ရေးအတွက် နိုင်ငံတကာကို RSF က ဇူလိုင်လ ၅ ရက်နေ့တွင် တိုက်တွန်းတောင်းဆိုခဲ့ခြင်းဖြစ်သည်။ အာဏာသိမ်း စစ်ကောင်စီသည် DMG ဝန်ထမ်းနှစ်ဦးက မတရားထောင်ဒဏ်ချမှတ်ခဲ့သည်ဟု RSF က ပြောဆိုထားသည်။ ၂၀၂၃ အောက်တိုဘာ ၂၉ ရက်က DMG သတင်းထောက် ကိုထက်အောင်မှာ ဘာသာရေးအလှူပွဲ သတင်းဓာတ်ပုံရိုက်ကူးရင်း စစ်ကောင်စီတပ်ဖွဲ့ဝင်များ၏ ဖမ်းဆီးခြင်းကို ခံလိုက်ရပြီး
တအောင်းတပ်ကို စစ်ကောင်စီက အဆိပ်ငွေဗုံးဖြင့် တိုက်ခိုက်
ရှမ်းမြောက် တအောင်းဒေသ နောင်ချိုမြို့နယ် စစ်ကောင်စီ ဒုံးတပ်ရင်း ၆၀၆ က တအောင်းတပ် TNLA ကို အဆိပ်ငွေ့ဗုံး ၃ လုံးဖြင့် တိုက်ခိုက်ခဲ့ကြောင်း သိရသည်။ စစ်ကောင်စီ ဒုံးတပ်ရင်း ၆၀၆ တပ်စခန်းကို တအောင်းတပ် TNLA မှ ဇွန်လ ၄ ရက်နေ့က တိုက်ခိုက်ရာတွင် စစ်ကောင်စီတပ်ရင်းမှ ပြန်လည်တိုက်ခိုက်ရာတွင် အဆိပ်ငွေ့ဗုံးဖြင့် တိုက်ခိုက်ခဲ့သည်။ စစ်ကောင်စီ အဆိပ်ငွေ့ဗုံးဖြင့် တိုက်ခိုက်မှုကြောင့် တအောင်းတပ်ဖွဲ့ဝင် ၈ ဦးထက်မနည်းမှာ အဆိပ်ငွေ့သင့်ခဲ့ကြောင်း TNLA က ထုတ်ပြန်ထားသည်။ ယင်းတပ်ဖွဲ့ဝင်များမှာ အဆိပ်ငွေ့သင့်ပြီး အသက်ရှုမြန်ခြင်း၊ စိတ်လှုပ်ရှားမှုမြန်ခြင်း၊ မောပန်းခြင်း၊ အောက်စီဂျင်ကျခြင်းနှင့် မအီမသာဖြစ်ခြင်းတို့ကို ခံစားနေရပြီး ဆေးကုသမှု ခံယူနေကြရသည်ဟု
ရှမ်းမြောက် တကျော့ပြန်စစ်ဆင်ရေး တစ်လအတွင်း စစ်ကောင်စီ ပစ်ခတ်၍ အရပ်သား ၂၅ ဦးသေဆုံးပြီး ၃၇ ဦး ဒဏ်ရာရ
(ဟိုင်ဂင်သဘောတူညီချက်ကို အားလုံး လေးစားရန် TNLA မျှော်လင့်) ရှမ်းပြည် မြောက်ပိုင်းနှင့် မန္တလေးတိုင်းမှာ ၁၀၂၇ တကျော့ပြန်စစ်ဆင်ရေးအတွင်း စစ်ကောင်စီပစ်ခတ်တိုက်ခိုက်၍ အရပ်သားပြည်သူ ၂၅ ဦးသေဆုံးပြီး ၃၇ ဦးအထိ ထိခိုက်ဒဏ်ရာရရှိသွားကြောင်း တအောင်တပ် TNLA က ပြောဆိုထားသည်။ ရှမ်းမြောက် တအောင်းလူမျိုးတပ် TNLA ၏ ၂၀၂၄ ခုနှစ်၊ ဇွန်လထုတ် စာစောင် အယ်ဒီတာ့အာဘော်တွင် ပြောဆိုထားသည်။ ရှမ်းပြည် သီပေါမြို့၊ ကျောက်မဲမြို့၊ နောင်ချိုမြို့၊ မိုးမိတ်မြို့နှင့် မန္တလေးတိုင်း မိုးကုတ်မြို့တို့တွင် စစ်ကောင်စီက လေကြောင်း၊ လက်နက်ကြီးနှင့် ပေါင် ၅၀၀ ဗုံး ပစ်ခတ်မှုကြောင့် အရပ်သားပြည်သူများ ထိခိုက်သေဆုံးခဲ့ရခြင်းဖြစ်သည်။ ထိုအပြင် စစ်ကောင်စီတပ်များသည် ယင်းမြို့နယ်များက
သံတွဲ၊ တောင်ကုတ် စစ်ရေးပြင်းထန်နေချိန် ကျောက်ဖြူမြို့ကို စစ်ကောင်စီက စစ်အင်အား ပိုမိုဖြည့်တင်းလာ
ရခိုင်ပြည် တောင်ပိုင်းဒေသ သံတွဲ၊ တောင်ကုတ်မြို့နယ်တို့တွင် စစ်ရေးပြင်းထန်နေချိန် အာဏာသိမ်း စစ်ကောင်စီသည် တရုတ်စီမံကိန်းများရှိရာ ကျောက်ဖြူမြို့နယ်က တပ်ရင်း၊ တပ်ဖွဲ့များကို စစ်အင်အား ယခင်ထက် ပိုမိုဖြည့်တင်းလာကြောင်း စစ်ရေးသိသူများထံမှ သိရသည်။ စစ်အင်အားဖြည့်တင်းရာတွင် လူအင်အားအပြင် စစ်လက်နက်ခဲယမ်း အမြောက်အများကိုလည်း ဖြည့်တင်းနေပြီး အဓိက နယ်မြေခံ အမှတ် ၃၂ ရဲတပ်ရင်းကို အင်အားဖြည့်တင်းနေကြောင်း ကျောက်ဖြူဒေသခံတစ်ဦးက ပြောသည်။ “အင်အားတွေ ထပ်ဖြည့်နေတာတွေ တွေ့ရတယ်။ ဇွန် ၂၇ ရက်ကတည်းက ငလပွေ့ဆိပ်က နေဗီကကတစ်ဆင့် ကားတွေနဲ့ ပစ္စည်းတွေ တော်တော်များများတင်ကြတယ်။ ကြည့်ရသလောက်တော့ လက်နက်ခဲယမ်းနဲ့ တပ်သားတွေပါမယ်။ ညဉ့်ဆိုတော့ ကားအစီးရေအရေအတွက်သေချာမသိနိုင်ဘူး။ ပစ္စည်းတွေကိုတော့ တစ်ညလုံးနီးပါးကို တင်ကြတာ။ အမှတ် ၃၂
ကာစီနိုရုံများမှာ အသုံးပြုရန် မြန်မာနိုင်ငံဘက်ခြမ်းကို တရားမဝင် တပ်ဆင်ထားသော အင်တာနက် ကေဘယ်ကြိုးလိုင်း ထိုင်းရဲတပ်ဖွဲ့က စစ်ဆေး ဖြတ်တောက်
မြန်မာ-ထိုင်း နယ်စပ်တစ်ခု ဖြစ်သည့် မြ၀တီ-မဲဆောက်တွင် ထိုင်းဘက်ကနေ မြန်မာဘက်ကို မြေအောက်ကနေ တဆင့် တရားမဝင် ဆက်သွယ်ထားသည့် အင်တာနက် ကေဘယ်ကြိုးလိုင်းများကို ထိုင်းအာဏာပိုင် ပူးပေါင်းအဖွဲ့က စစ်ဆေး ဖြတ်တောက်လိုက်သည်။ အဆိုပါ ကေဘယ်ကြိုးလိုင်းများကို ဇွန် ၂၈ ရက်နေ့ မနက်ပိုင်းတွင် ထိုင်းအာဏာပိုင် ပူးပေါင်းအဖွဲ့က သွားရောက် စစ်ဆေးပြီး ဖြတ်တောက်လိုက်ကြောင်း မဲဆောက်မြို့ အခြေစိုက် ထိုင်းသတင်းဌာနများ၏ ရေးသားဖော်ပြချက်များ အရ သိရ သည်။ ထိုင်းနိုင်ငံ တာ့ပ်ခရိုင် မဲဆောက်မြို့နယ်၊ ဖိုးဖမြို့နယ်နှင့် မယ်လမတ်မြို့နယ်တို့ကနေ တဆင့် ကရင်ပြည်နယ် မြ၀တီခရိုင် မြ၀တီမြို့နယ်ဘက်ရှိ ဝမ်ယာနှင့် ရွှေကုက္ကိုမြို့သစ်တွင်ရှိသည့် ကာစီနိုလောင်းကစားရုံတို့တွင် အသုံးပြုရန် တရားမဝင် မြေအောက်လမ်းကနေ ဆက်သွယ်ထားသည့်
သံတွဲမှာ စစ်ရှောင်အမျိုးသမီးများ လစဉ်သုံးပစ္စည်း အရေးတကြီးလိုအပ်နေ
ရခိုင်ပြည် သံတွဲမြို့နယ်က စစ်ရှောင်စခန်း အနည်းဆုံး ၁၆ ခုက အမျိုးသမီးများမှာ လစဉ်သုံးပစ္စည်း အရေးတကြီးလိုအပ်နေသည်ဟု ကာယကံရှင်များနှင့် အကူအညီပေးနေသူများထံမှ သိရသည်။ စစ်ရှောင်စခန်း ၁၆ ခုမှာ လူဦးရေ ၂၀၀၀ ကျော်ရှိသည့်အနက် ၁၀၀၀ ကျော်မှာ အမျိုးသမီးများဖြစ်နေ၍ လစဉ်သုံးပစ္စည်းများ အရေးတကြီးလိုအပ်နေသည်ဟု ကူညီဆောင်ရွက်ပေးနေသူ ကိုတေဇာအောင်က ပြောသည်။ ” ပြီးခဲ့တဲ့ တစ်ပတ်က ကျနော်တို့ လုပ်ထားတဲ့ စာရင်းအရဆိုရင် စစ်ရှောင်စခန်း ၁၆ ခုမှာ လူဦးရေ ၂၀၀၀ ကျော်ရှိတယ်။ အဲဒီထဲမှာမှ အမျိုးသမီးဦးရေက ၁၀၀၀ ကျော်တယ်ပေါ့နော်။ ပြောရရင် ၆၀ ရာခိုင်နှုန်းလောက် အမျိုးသမီးဖြစ်နေတယ်။ အဲဒီထဲမှာမှ အရွယ်ကောင်းအမျိုးသမီးတွေပါတယ်။ ပြီးတော့ လကုန်ခါနီးဖြစ်တဲ့အတွက်ကြောင့်မို့လို့
ရန်ကုန်သံဃာတော်များ ကံဆောင်သပိတ်ကို ထောက်ခံကြောင်း လှုပ်ရှားမှုပြုလုပ်
ရန်ကုန်မြို့ပေါ်တွင် ပြည်သူ့အင်အားစု သပိတ်အဖွဲ့လူငယ်များက သံဃာတော်များ၏ ကံဆောင် သပိတ်ကို ထောက်ခံကြောင်း လှုပ်ရှားမှုကို ယနေ့ ဇွန်လ ၂၈ ရက် နံနက်ပိုင်းက ပြုလုပ်ခဲ့ကြောင်း သိရသည်။
နောင်ချိုရဲစခန်းမှာ မူးယစ်ဆေးဝါး တွေ့ရဟု TNLA ထုတ်ပြန်
ရှမ်းမြောက် နောင်ချိုမြို့မရဲစခန်းမှာ မူးယစ်ဆေးဝါးအများအပြား တွေ့ရကြောင်း တအောင်းတပ် TNLA က ယနေ့ ဇွန်လ ၂၇ ရက်နေ့တွင် ထုတ်ပြန်သည်။ နောင်ချိုမြို့က စစ်ကောင်စီလက်အောက်ခံ ဌာနဆိုင်ရာရုံးများအား TNLA က တိုက်ခိုက်သိမ်းပိုက်ရာမှာ မြို့မရဲစခန်းအတွင်း မူးယစ်ဆေးဝါး ပစ္စည်းနှင့် ယာမဆေးပြား အမြောက်အများ ဖမ်းဆီးရမိသည်ဟု TNLA က ဆိုသည်။ နောင်ချိုမြိုအတွင်းသို့ ဇွန်လ ၂၆ ရက်တွင် ဝင်ရောက်တိုက်ခိုက်ပြီး ဇွန်လ ၂၇ ရက်တွင် ဌာနဆိုင်ရာရုံးများအား လိုက်လံစစ်ဆေးကာ မြို့မရဲစခန်းတွင် အဆိုပါ မူးယစ်ဆေးဝါးများကို ရှာဖွေ သိမ်းဆည်းရမိခဲ့သည်ဟု သိရသည်။
သမ္မတဟောင်း ဦးသိန်းစိန် တရုတ်သွားရောက်
တရုတ်နိုင်ငံတွင် ကျင်းပမည့် ငြိမ်းချမ်းစွာအတူယှဉ်တွဲနေထိုင်ရေး မူကြီး ၅ ချက် ထုတ်ပြန်ခြင်း နှစ် ၇၀ ပြည့်အထိမ်းအမှတ် အခမ်းအနား မြန်မာနိုင်ငံ သမ္မတဟောင်း ဦးသိန်းစိန်နှင့်အဖွဲ့ တက်ရောက်မည်ဟု ရန်ကုန်တရုတ်သံရုံးက ထုတ်ပြန်သည်။ ထိုအခမ်းအနားကို အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို မဖိတ်ဘဲ သမ္မတဟောင်း သိန်းစိန်ကို တရုတ်က ဖိတ်ကြားခဲ့ကြောင်း သိရသည်။ ဇွန်လ ၂၇ ရက်နေ့ သမ္မတဟောင်း ဦးသိန်းစိန်သည် တရုတ်နိုင်ငံသို့ နေပြည်တော်လေဆိပ်မှတစ်ဆင့် မြန်မာစစ်လေယာဉ်ဖြင့် သွားရောက်ကြောင်း ရန်ကုန်တရုတ်သံရုံးက ဓာတ်ပုံနှင့်တကွ သတင်းထုတ်ပြန်သည်။ ဇွန်လ ၂၆ ရက်နေ့ သံအမတ်ကြီး Mr. Chen Hai က နေပြည်တော်တွင် သမ္မတဟောင်း
စစ်ကောင်စီကို တစ်နိုင်ငံလုံးက သံဃာတော်များ သပိတ်မှောက်ကြရန် ချောင်းဦးဆရာတော် တိုက်တွန်း
ပဲခူးမြို့က အထင်ကရဆရာတော် တစ်ပါးကို အာဏာသိမ်း စစ်ကောင်စီတပ်ဖွဲ့ဝင်များက သေနတ်ဖြင့် ပစ်ခတ်သတ်ဖြတ်မှုအပေါ် အမှုမှန်ပေါ်ပေါက်အောင်အထိ တစ်နိုင်ငံလုံးက သံဃာတော်များ ကံဆောင်သတိမှောက်ကြရန် ချောင်းဦးမြို့နယ် သပိတ်ဦးဆောင် ဆရာတော် ဥူးဇာနည်ရ က တိုက်တွန်း မိန့်ကြားနေသည်။ ပဲခူးတိုင်း၊ ပဲခူးမြို့နယ်မှ နိုင်ငံတော်သံဃမဟာနာယကအဖွဲ့ဝင် ဝင်းနိမ္မိတာရုံကျောင်းဆရာတော် အရှင် ဘဒ္ဒန္တမုနိန္ဒာဘိဝံသ ကို စစ်ကောင်စီ တပ်အရာရှိများနှင့် တပ်ဖွဲ့ဝင်များက မန္တလေးတိုင်း ငါန်းဇွန်မြို့နယ်မှာ ဇွန်လ ၁၉ ရက်နေ့က သေနတ်ဖြင့် ရက်ရက်စက်စက် ပစ်ခတ်သတ်ဖြတ်ခဲ့သည်။ ဆရာတော် သတ်ဖြတ်ခံရမှုအပေါ် နိုင်ငံတစ်ဝှမ်း သံဃာထုက မကျေနပ်ကြ၍ ဇွန်လ ၂၃ ရက်နေ့ကစပြီး စစ်ကောင်စီကို ပတ္တနိက္ကုဇ္ဇန ကံဆောင်သပိတ် စတင်ပြုလုပ်ခဲ့ကာ အဖြစ်မှန် မပေါ်မချင်း