ကိုးကန့်တပ် MNDAA ထိန်းချုပ်ထားသည့် ရှမ်းမြောက်ဒေသ လားရှိုးမြို့နယ်က သံလွင့်နှင့် နန်းဘန်းကျေးရွာတို့ကို ယမန်နေ့ နိုဝင်ဘာလ ၂၄ ရက်တွင် အာဏာသိမ်းစစ်ကောင်စီက လေကြောင်းဗုံးကြဲတိုက်ခိုက်ခဲ့ကြောင်း ကိုးကန့်သတင်းက ထုတ်ပြန်သည်။ ညနေ ၇ နာရီ ၃၀ မိနစ်တွင် ဗုံး ၄ လုံးထက်မနည်းဖြင့် ဗုံးကြဲတိုက်ခိုက်ခဲ့ခြင်းကြောင့် အရပ်သား ၃ ဦး ထိခိုက်ဒဏ်ရာရရှိခဲ့သလို သံလွင်တရုတ်စာသင်ကျောင်းနှင့် နန်းဘန်းမြန်မာအထက်တန်းကျောင်း ပြင်းထန်စွာ ပျက်စီးသွားခဲ့ရသည်။ ယင်းအပြင် အဆိုပါ ကျေးရွာများက လူနေအိမ်အများအပြားလည်း ပျက်စီးခဲ့ရသည်။ ကိုးကန့်တပ် MNDAA ခေါင်းဆောင် ဖုန်တာရွှင်ကို တရုတ်အစိုးရ ထိန်းသိမ်းထားသည်ဟု သတင်းများထွက်ပေါ်နေအချိန် MNDAA ထိန်းချုပ်ရာ ဒေသများကို စစ်ကောင်စီက ဗုံးကြဲတိုက်ခိုက်နေခြင်းဖြစ်သည်။ ISP