ရခိုင်ပြည်အတွင်း ဖုန်းလိုင်းနှင့် အင်တာနက်လိုင်း လုံးဝပြတ်တောက်သွားသည်မှာ နှစ်လခန့်ကြာမြင့်လာပြီး သိမ်းပိုက်ထားသော ဒေသများတွင် လုံခြုံရေးအခြေအနေများကြောင့် အာရက္ခတပ်တော် AA က ထိန်းချုပ်ထားသည်။ ဘူးသီးတောင်၊ မောင်တော၊ ရသေ့တောင်၊ ပုဏ္ဏားကျွန်း၊ ကျောက်တော်၊ မြောက်ဦး၊ မင်းပြား၊ ပေါက်တော၊ မြေပုံ၊ ရမ်းဗြဲ၊ အမ်း၊ တောင်ကုတ်၊ သံတွဲ၊ ဂွမြို့နယ်များ အားလုံးနီးပါးတွင် အင်တာနက်၊ ဖုန်းလိုင်းများ ပြတ်တောက်နေသည်။ AA ထိန်းချုပ်သိမ်းပိုက်ဒေသများတွင် ပြီးခဲ့သည့် ၂၀၂၄ ခုနှစ် နိုဝင်ဘာလ ၁၆ ရက်နေ့ကစ၍ ဖုန်းလိုင်း၊ အင်တာနက်လိုင်း လုံးဝပြတ်တောက်သွားပြီး ယနေ့အချိန်အထိ ပြန်လည်ရရှိခြင်းမရှိသေးကြောင်း စုံစမ်း သိရှိရသည်။ မင်းပြားဒေသခံတစ်ဦးက “ဖုန်းလိုင်း၊ အင်တာနက် မရတာက ကြာပါပြီ။