လူမျိုးရေး၊ ဘာသာရေးကို အခြေခံပြီး ကြီးလေးသည့် ဘေးထွက်ဆိုးကျိုးနှင့် ကြောက်မက်ဖွယ်အကြမ်းဖက်မှု စစ်ပွဲ ကြီးတစ်ခုကို ရခိုင်ပြည်တွင် ဖန်တီးပုံဖော်ခဲ့သူမှာ အာတာအူလာဟု ဆိုလျှင် သံသယဝင်မည်လော။ နယ်စပ်က မူးယစ်ဆေးဝါး နှိမ်နင်းမှု စစ်ဆင်ရေးတွင် ဘင်္ဂလားဒေ့ရှ် စစ်ထောက်လှမ်းရေး DGFI အရာရှိတစ်ဦးကို သတ်ဖြတ်ခဲ့မှုနှင့် အခြား နယ်စပ်ဒေသက ရာဇဝတ်ပြစ်မှုများ အတွက် အာတာအူလာနှင့် အာဆာ ခေါင်းဆောင် များကို ဘင်္ဂလားဒေ့ရှ်က ယခုအခါ ဖမ်းဆီးထားသည်။ ■ အာတာအူလာ အာတာအူလာ အဘူအမ်မာ ဂျူနူနီသည် ရခိုင်ပြည် ဇာတိ မဟုတ်ပေ။ ပါကစ္စတန်တွင် မွေးဖွားပြီး ငွေကြေးတတ် နိုင်သည့် အသိုင်းဝိုင်းက ဆင်းသက်လာသည်။ ဖခင်မှာ မောင်တောမြောက်ပိုင်း ဇာတိဖြစ်သည်။