မွတ်ဆလင်အရေး ဆွေးနွေးရန် UN အကြီးအကဲ ဘင်္ဂလားဒေ့ရှ် သွားမည်
မြန်မာစစ်တပ် နယ်မြေရှင်းလင်းရေးကြောင့် ဘင်္ဂလားဒေ့ရှ်နိုင်ငံသို့ ရောက်ရှိသွားသော မွတ်ဆလင်များ နေရပ်ပြန်နိုင်ရေးနှင့် ပတ်သက်ပြီး ဆွေးနွေးရန် ကုလသမဂ္ဂ UN အတွင်းရေးမှူးချုပ် အမ်တိုနီယို ဂူတာရက်စ် ဘင်္ဂလားဒေ့ရှ်ကို မတ်လမှာ သွားရောက်မည်ဟု သိရသည်။ UN အကြီးအကဲ အမ်တိုနီယို ဂူတာရက်စ် မတိုင်မီ မြန်မာနိုင်ငံဆိုင်ရာ အထူးကိုယ်စားလှယ် ဂျူလီဘစ်ရှော့က ကြိုတင်ပြင်ဆင်မှုအနေဖြင့် လာမည့် ဖေဖော်ဝါရီလ ၂၃ ရက်တွင် ဘင်္ဂလားဒေ့ရှ်ကို သွားရောက်မည်ဖြစ်သည်။ ရခိုင်ပြည် ဘူးသီးတောင်၊ မောင်တောဒေသနှင့် ရသေ့တောင်မြို့နယ်တို့က မွတ်ဆလင်များကို ၂၀၁၇ ခုနှစ်တွင် မြန်မာစစ်တပ်က ရှင်းလင်းရေး ပြုလုပ်ခဲ့သည့်အတွက် ဘင်္ဂလားဒေ့ရှ်နိုင်ငံကို မွတ်ဆလင် သိန်းနှင့်ချီ ထွက်ပြေးခဲ့ရသည်။ ၂၀၁၅ ခုနှစ် ဒေါ်အောင်ဆန်းစုကြည် ဦးဆောင်သော
မြန်မာ့လူဦးရေ ၅ သန်းခွဲကို အသက်ကယ်ရန် UNOCHA က အမေရိကန်ဒေါ် ၁ ဘီလီယံကျော် တောင်းဆို
လာမည့် ၂၀၂၅ ခုနှစ်တွင် မြန်မာနိုင်ငံက အကူအညီ အရေးတကြီးလိုအပ်နေသူ လူဦးရေ ၅ ဒသမ ၅ သန်းကို လူမှုဘဝရှင်သန်ရေးအကူအညီများ ပေးအပ်နိုင်ရန် အမေရိကန် ဒေါ်လာ ၁ ဒသမ ၁ ဘီလီယံ အဆိုပြုတောင်းဆိုထားကြောင်း UNOCHA မြန်မာက ပြောသည်။ မြန်မာနိုင်ငံတွင်းအကျပ်အတည်းများကြောင့် အရပ်သားသန်းပေါင်းများစွာ၏ ဘ၀များ ကစဉ့်ကလျားဖြစ်ခဲ့ရပြီး နိုင်ငံတစ်ဝန်း လူသားချင်းစာနာမှုဆိုင်ရာ လိုအပ်ချက်များမှာ မြင့်တက်လာခဲ့ကြောင်း ယူအန်အိုချာ မြန်မက ဆိုသည်။ ၂၀၂၅ ခုနှစ်အတွင်း မြန်မာနိုင်ငံမှာ အကူအညီလိုအပ်နေသူဦးရေ ၁၉ ဒသမ ၉ သန်းရှိသည့် အနက်မှ အကျပ်အတည်းကြားက ကြိုးစားရှင်သန်နေရသူဦးရေ ၅ ဒသမ ၅ သန်းကို လူသားချင်းစာနာမှုဆိုင်ရာ
အပူပြင်းဆုံးရာသီဝင်လာ၍ ရခိုင်ကစစ်ရှောင်များ သောက်သုံးရေရှားပါးမှု ကြုံတွေ့နေရ
အပူပြင်းဆုံးရာသီဝင်လာပြီဖြစ်သဖြင့် ရခိုင်ပြည်အတွင်းက အိုးအိမ်စွန့်ခွာရသူ စစ်ရှောင်များမှာ သောက်သုံးရေရှားပါးမှုဒဏ်ကို ရင်ဆိုင်ကြုံတွေ့နေရသည်ဟု ယူအန်အိုချာ (UNOCHA) က ဧပြီလ ၅ ရက်နေ့မှာ ထုတ်ပြန်ပြောသည်။ ပုဏ္ဏားကျွန်းမြို့နယ် ကျောက်ဆိပ်၊ ယိုးတရုပ်၊ ယိုးငူ၊ သရက်ချို၊ အောင်ဖြူပြင်၊ ပန်းနီလာ၊ ကြံခင်း၊ တောင်နားရွာနှင့် ကျင်တလင်းရွာ စသည့် ကျေးရွာများတွင် သောက်သုံးရေရှားပါးနေကာ မသန့်ရှင်းသောရေကို သောက်သုံးနေရသည်ဟု ဒေသခံများထံမှ သိရသည်။ အဆိုပါ ကျေးရွာများတွင် မူလနေထိုင်သူ ကျေးရွာသားများအပြင် ပုဏ္ဏားကျွန်းမြို့ပေါ်နှင့် အခြားသော ကျေးရွာများမှ လာရောက်ခိုလှုံကြသော စစ်ရှောင်အရေအတွက် များစွာရှိနေကြသည်။ မသန့်ရှင်းသောရေကို သောက်သုံးနေရ၍ ကလေးငယ်များနှင့် အမျိုးသမီးအများစုမှာ ခန္ဓာကိုယ်ယားယံမှုနှင့် ဝမ်းပျက်ဝမ်းလျော့ရောဂါကို ခံစားနေရသည်ဟု သရက်ချိုကျေးရွာသို့ ပုဏ္ဏားကျွန်းမြို့ပေါ်မှ စစ်ရှောင်လာသူ