ယနေ့ နံနက် ပေါက်တောနှင့် ပုဏ္ဏားကျွန်း ဗုံးကြဲခံရ
(နေအိမ်များပျက်စီးပြီး အရပ်သား ၂ ဦး ဒဏ်ရာရ) ယနေ့ အောက်တိုဘာလ ၈ ရက် နံနက် အစောပိုင်းက ပေါက်တောမြို့နယ်နှင့် ပုဏ္ဏားကျွန်းမြို့နယ်ကို စစ်ကောင်စီလေကြောင်းက တစ်ပြိုင်တည်း ဗုံးကြဲတိုက်ခိုက်ခဲ့ကြောင်း သိရသည်။ ပေါက်တောမြို့နယ် နတ်တောင်ပြင်ကျေးရွာကို စစ်ကောင်စီက ဂျက်ဖိုက်တာ တစ်စီးဖြင့် ဗုံးကြဲတိုက်ခိုက်ခဲ့ကြောင်း ဒေသခံတစ်ဦးက ပြောသည်။ ” နံနက် ၁ နာရီကျော်လောက်မှာ ဂျက်ဖိုက်တာတစ်စီးနဲ့ ဗုံးကြဲခဲ့တာပါ။ ကျေးရွာအတွင်း ဘုန်းတော်ကြီးကျောင်း၊ လူနေအိမ်အချို့ ထိခိုက်ခဲ့ပါတယ်။ ရွာသား ဦးအောင်ကျော်သိန်းမှာ ဗုံးစထိမှန်လို့ ဒဏ်ရာ အနည်းငယ် ရသွားပါတယ်။ ရွာကို ရည်ရွယ်ချက်ချက် ရှိရှိနဲ့ ဗုံးလာတာပါ။ ” ဟု ပြောသည်။ ယင်းအပြင် နံနက်
တောင်ကုတ် တန်းလွဲရွာမကို စစ်ကောင်စီက ဗုံးကြဲမှုကြောင့် အရပ်သား ၁၆ ဦးသေဆုံး
အရပ်သားများ နေထိုင်သည့် တောင်ကုတ်မြို့နယ်က တန်းလွဲဒေသ ရွာမကျေးရွာကို စစ်ကောင်စီက လေကြောင်းက ဗုံးကြဲတိုက်ခိုက်မှုကြောင့် အရပ်သား ၁၆ ဦး သေဆုံးခဲ့ပြီး အများအပြား ဒဏ်ရာရရှိခဲ့ကြောင်း သိရသည်။ အောက်တိုဘာ ၇ ရက်နေ့ ၁၁ နာရီကျော်ခန့်က တန်းလွဲဒေသ ရွာမှရွာသစ်ကို စစ်ကောင်စီတပ်က ဗုံးနှစ်လုံးနှင့် လာရောက်ကြဲချခဲ့မှုကြောင့် ကလေးငယ်နှစ်ဦး အပါအဝင် အမျိုးသား အမျိုးသမီး စုစုပေါင်း ၁၆ ဦးသေဆုံးခဲ့ခြင်း ဖြစ်သည်။ တန်းလွဲရွာမ ရွာသားတစ်ဦးက ” တန်းလွဲ ရွာမရွာသစ်ကို ညဉ့် ၁၁ နာရီကျော်လောက်မှာ ဗုံးနှစ်နဲ့ လာပြီးတော့ ကြဲချ သွားပါတယ်။ ချောင်းနားရွာကို လာရောက်ကြဲချသွားတာပါ။ အိမ်တွေကတော့ တော်တော်လေးကို ပျက်စီးသွားပါတယ်။
ဘူးသီးတောင်က ARSA တပ်စခန်းကို AA သိမ်းပိုက်
စစ်ကောင်စီနှင့် တိုက်ပွဲပြင်းထန်နေသော ရခိုင်ပြည် ဘူးသီးတောင်ဒေသတွင် မွတ်ဆလင်လက်နက်ကိုင်အဖွဲ့ ARSA တပ်စခန်းတစ်ခုကို အောက်တိုဘာလ ၆ ရက် ညနေ ၄ နာရီခန့်က သိမ်းပိုက်ခဲ့ကြောင်း AA က ထုတ်ပြန်သည်။ AA သိမ်းပိုက်ထားသော ARSA တပ်စခန်းမှာ ဘူးသီးတောင်မြို့နယ် ရွှေထား (မူဆလင်) ရွာ၏ အနောက်ဘက် (၄.၉) ကီလိုမီတာအကွာအဝေး၌ စခန်းချနေထိုင်နေသာ တပ်စခန်းဖြစ်သည်။ ARSA တပ်စခန်းက လက်နက်ခဲယမ်း၊ စစ်အသုံးအဆောင်ပစ္စည်းအချို့နှင့် ၎င်းတို့ထောင်ထားခဲ့သော စွန့်လွှတ်မိုင်းအချို့တို့ကို သိမ်းဆည်းရမိခဲ့ပြီး ယင်းစခန်းမှ ထွက်ပြေးလွတ်မြောက်နေသော ARSA တပ်ဖွဲ့ဝင်များကို ဆက်လက်၍ လိုက်လံရှင်းလင်းလျက်ရှိသည်ဟု AA က ဆိုသည်။ မောင်တောမြို့နယ်၊ ကိုင်းကြီး မြိုရွာမှ ကလေးငယ်များအပါအဝင်
ဂွနှင့် ကျိန္တလီ ဆက်သွယ်ထားသည့် ကုလားပြင်တံတားကို စစ်ကောင်စီ မိုင်းခွဲဖျက်ဆီး
ရခိုင်ပြည် တောင်ပိုင်းဒေသ ဂွမြို့နှင့် ကျိန္တလီမြို့ကို ဆက်သွယ်ထားသည့် ကုလားပြင်ရွာထိပ်က တံတားကို စစ်ကောင်စီတပ်ဖွဲ့ဝင်များ တပ်ဆုတ်ချိန် မိုင်းခွဲဖျက်ဆီးခဲ့ကြောင်း AA က ယမန်နေ့ အောက်တိုဘာ ၇ ရက်တွင် ထုတ်ပြန်ထားသည်။ AA က သံတွဲမြို့ကို သိမ်းပြီးနောက် ကျိန္တလီကတစ်ဆင့် ဂွမြို့သိမ်းပိုက်ရန် ထိုးစစ်ဆင်နွှဲချိန် ကျိန္တလီမြို့ထဲက ရဲနှင့်စစ်တပ်မှာ ကုလားပြင်ရွာဘက်သို့ တပ်ဆုတ်သွားသည်။ ကုလားပြင်ရွာထဲ၊ တံတားထိပ် ကိုင်းခုန်နှင့် ကုလားပြင်ရွာအနီး ကံကော်တောင်တို့တွင် စစ်ကောင်စီတပ်ဖွဲ့ဝင်များ တပ်စွဲထားထား၍ AA က ဆက်လက် ထိုးစစ်ဆင်တိုက်ခိုက်ရာ ကုလားပြင်က တပ်စခန်းများအားလုံးကို အောက်တိုဘာလ ၆ ရက်နေ့က အပြီးသတ် သိမ်းပိုက်နိုင်ခဲ့သည်ဟု AA က ဆိုသည်။ AA
အမ်းမြို့ မဲတောင်ဗျူဟာ စခန်းတစ်ခုလုံး AA သိမ်းပိုက်၊ မဲတောင်ဗျုဟာကုန်းသည် အမ်း နပခ ဌာနချုပ်နှင့် ၁၄ ကီလိုမီတာခန့်သာ ကွာဝေး
အနောက်ပိုင်းတိုင်း စစ်ဌာနချုပ်တည်ရှိရာ အမ်းမြို့နယ်မှ မဲတောင်ဗျူဟာစခန်းတစ်ခုလုံးနှင့် အနီး ပတ်ဝန်းကျင်ရှိ စစ်ကောင်စီ စခန်းအားလုံးကို သိမ်းပိုက် ရရှိကြောင်း အာရက္ခတပ်တော် AA က ယနေ့ တွင် သတင်းထုတ်ပြန်သည်။ အမ်းမြို့နယ်အတွင်း လက်ကျန်စခန်းများထဲမှ တစ်ခုဖြစ်သော မဲတောင်ဗျူဟာစခန်းတစ်ခုလုံးနှင့် ၎င်းအနီး ပတ်ဝန်းကျင်ရှိ စစ်ကောင်စီ စခန်းများအားလုံးကို အောက်တိုဘာလ ၇ ရက်နေ့ ညနေ ၄ နာရီနီးပါးတွင် အပြီးသတ် သိမ်းပိုက်ရခြင်း ဖြစ်သည်။ အဆိုပါ ဗျူကုန်းတွင် စစ်ကိုင်းတိုင်း၊ ကလေး၊ မော်လိုက်၊ ဟုမ္မလင်းအခြေစိုက် စကခ (၁၀) လက်အောက်ခံ တပ်ရင်းများဖြစ်ကြသော ခမရ (၃၆၂/၃၆၅/၃၆၉) တပ်ရင်းများ၊ အမ်း၊ နပခ ဌာနချုပ်လက်အောက်ခံ တပ်ရင်းအချို့
တောင်ကုတ် တန်းလွဲရွာမကို စစ်ကောင်စီက ဗုံးကြဲ၊ အရပ်သား ၁၀ ဦးထက် မနည်း သေဆုံး
ရခိုင်ပြည်၊ တောင်ကုတ်မြို့နယ်၊ တန်းလွဲရွာမမြို့ ဈေးနားရွာသစ်ကို စစ်ကောင်စီတပ်က အောက်တိုဘာ ၇ ရက်နေ့ ည ၁၁ နာရီကျော်လောက်က ဗုံးကြဲတိုက်ခိုက်မှုကြောင့် အရပ်သား ၁၀ ဦးထက်မနည်း သေဆုံးသွားကြောင်း ဒေသခံများက ပြောသည်။ နှစ်ဖက်တိုက်ပွဲ ဖြစ်ပွားခြင်းမရှိဘဲ စစ်ကောင်စီက ညဉ့် ၁၁ နာရီကျော်ခန့်တွင် လာရောက်ပြီး ဗုံးကြဲတိုက်ခိုက်ခြင်းကြောင့် အရပ်သားများ ယခုကဲ့သို့ သေဆုံးမှုများနှင့် နေအိမ်အများအပြား ပျက်စီးသွားကြောင်း ဒေသခံများက ဆိုသည်။ ဗုံးကြဲခံရမှုကြောင့် အရပ်သား အနည်းဆုံး ၁၆ ဦးထက်မနည်း သေဆုံးခဲ့ကြောင်း အတည်မပြုရသေးသည့် သတင်းများ ထွက်ပေါ်နေသော်လည်း Western News က သီခြား အတည်ပြု၍ မရရှိသေးပေ။ ယင်းအထဲ အမျိုးသား၊
AA ထိုးစစ် ဂွမြို့အနီးကို ချဉ်းကပ်လာ
(ဂွမြို့နှင့် မိုင် ၃၀ ကျော်ဝေးသည့် ကုလားပြင်တပ်စခန်းကို AA သိမ်းပိုက်ဟုဆို) အာရက္ခတပ်တော် AA ၏ ထိုးစစ်မှာ ဂွမြို့အနီးကို ရောက်ရှိလာပြီး ဂွမြို့နှင့် မိုင် ၃၀ ကျော်ဝေးသည့် ကုလားပြင်တပ်စခန်းကို AA က သိမ်းပိုက်လိုက်ပြီဟု စစ်ရေးသတင်းရင်းမြစ်များထံမှ သိရသည်။ သံတွဲမြို့နှင့် ငပလီမြို့ကို သိမ်းပိုက်နောက် AA သည် ဂွမြို့ကို သိမ်းပိုက်နိုင်ရန် ထိုးစစ်ဆင်တိုက်ခိုက်နေသည်မှာ စက်တင်ဘာလ အစောပိုင်းကဖြစ်ပြီး ယခုရက်ပိုင်းအတွင်း စစ်ကောင်စီနှင့် ထိတွေ့တိုက်ပွဲ ပြင်းထန်လျှက်ရှိကြောင်း သိရသည်။ ထိုးစစ်တစ်ပတ်အတွင်းမှာ ဂွမြို့ထဲက မြို့တစ်ဖြစ်သည့် ကျန္တလီမြို့ကို AA က ထိန်းချုပ်နိုင်ခဲ့ပြီး ကျိန္တလီမြို့ထဲရှိ ရဲနှင့် စစ်တပ်ပူးပေါင်းတပ်ဖွဲ့မှာ ဂွမြို့အနီး ကုလားပြင်
အမ်းနှင့် အနောက်ပိုင်းတိုင်းစစ်ဌာနချုပ်ကို သိမ်းပိုက်ရန် AA က ထိုးစစ်အရှိန်မြှင့်နေ
စစ်ကောင်စီ အနောက်ပိုင်းတိုင်းစစ်ဌာနချုပ် (နပခ) ရှိရာ ရခိုင်ပြည် အမ်းမြို့နယ်ကို အပြီးသတ်သိမ်းပိုက်နိုင်ရန် အာရက္ခတပ်တော် AA က ထိုးစစ်အရှိန်မြှင့် တိုက်ခိုက်နေကြောင်း ဒေသခံများက ပြောသည်။ ယခု အောက်တိုဘာလ အစောပိုင်းကစ၍ အနောက်ပိုင်းတိုင်းစစ်ဌာနချုပ် (နပခ) ရှိရာ စစ်ကောင်စီတပ်စခန်းများကို AA က လက်နက်ကြီးများဖြင့် ဆက်တိုက်ပစ်ခတ် တိုက်ခိုက်နေခြင်းဖြစ်သည်။ AA ၏ ထိုးစစ် အောက်တိုဘာလ ၅ ရက် နေ့လယ်ပိုင်းက ပိုမိုပြင်းထန်ခဲ့ပြီး စစ်ကောင်စီ တပ်စခန်းများကို အင်အားအများအပြားသုံး တိုက်ခိုက်နေသည်ဟု စစ်ရေးသတင်းသိသူ ဒေသခံတစ်ဦးက ပြောသည်။ ” အောက်တိုဘာ ၅ ရက် နေ့လ ၁၂ နာရီဝန်းကျင်ကနေ AA ဖက်က
တောင်ကုတ် ကင်းတောင်စံပြရွာ ဗုံးကြဲခံရ အရပ်သား ၄ ဦးသေဆုံး
ရခိုင်ပြည် တောင်ကုတ်မြို့နယ် ကင်းတောင်စံပြ ကျေးရွာကို ယနေ့ အောက်တိုဘာလ ၄ ရက် နံနက် ၂ နာရီခန့်တွင် စစ်ကောင်စီက လေကြောင်းဗုံးကြဲတိုက်ခိုက်ခဲ့၍ အရပ်သား ၄ ဦးသေဆုံးပြီး ဒဏ်ရာရရှိသူများလည်းရှိသည်။ တောင်ကုတ်မြို့ခံတစ်ဦးက ” ကျနော်တို့ နေတဲ့အပိုင်းက အဘိုးကြီးတစ်ယောက် အဒေါ်ကြီးတစ်ယောက်သေတယ်။ ပြီးတော့ ကလေးလေးတစ်ယောက်သေတယ်။ ရွာအထက်ပိုင်းက တစ်ယောက် သေတယ်။ ဒဏ်ရာရတဲ့သူတွေ အများကြီးပဲ အခု လမုဘက် ဆေးကုဖို့ ပို့ထားတယ်။ တိုက်ပွဲမရှိဘဲ စစ်ကောင်စီ ဗုံးလာကြဲတာလို့ သိရတယ်။ “ ဟု ပြောသည်။ သေဆုံးသူ ၄ ဦးထဲက ၃ ဦး၏အမည်မှာ ဦးလှတင် (၇၀ နှစ်)၊ ဒေါ်မြရီ
