ပဲခူးနှင့် ကျုံဒိုး ကို စစ်ကောင်စီ လက်နက်ကြီးနှင့် လေကြောင်းက ပစ်ခတ်၊ အရပ်သား ၁၂ ဦး သေဆုံး
ပဲခူးတိုင်း၊ အုတ်တွင်းမြို့နယ်နှင့် ကရင်ပြည်နယ်၊ ကော့ကရိတ်မြို့နယ်၊ ကျုံဒိုးမြို့နယ်များကို စစ်ကောင်စီက လက်နက်ကြီးနှင့် လေကြောင်းက ဗုံးကြဲမှုကြောင့် အရပ်သား ၁၂ ဦးမနည်း သေဆုံးခဲ့ကြောင်း သိရသည်။ ယမန်နေ့ ဧပြီလ ၁၅ ရက်နေ့ ညနေ ၃ နာရီဝန်းကျင်အချိန် ပဲခူးတိုင်း အုတ်တွင်းမြို့နယ်၊ ရေအိုးစဥ်ကျေးရွာအုပ်စု သောင်းတန်းရွာကို လေယာဉ်ဖြင့် ဗုံးကြဲတိုက်ခိုက်မှုကြောင့် ၂ဦး သေဆုံးခဲ့သည်။ ဒေသခံတစ်ဦးက “တိုက်ပွဲဖြစ်တာလည်းမရှိပါဘူး။ ဒီအတိုင်း လေယာဥ်နဲ့ ဗုံးကြဲချတာပါ။ တစ်အိမ်တည်း မိသားစုဝင် ၄ ဦးထိတယ်။ ဆေးကုဖို့ ခေါ်သွားရင်းနဲ့ ကိုမျိုးနဲ့ သူ့အမျိုးသမီး ဆုံးတယ်။ ကျန်တဲ့ ၂ ဦးကလည်း ဒဏ်ရာရရှိထားပါတယ်” ဟု ပြောဆိုသည်။ ထိခိုက်
ကျုံဒိုးမြို့၊ ကမ်းနီစံပြကျေးရွာဘုန်းကြီးကျောင်းကို ဗုံးကြဲ အရပ်သား ၆ ဦးသေဆုံး
ကရင်ပြည်နယ်၊ ကျုံဒိုးမြို့၊ ကမ်းနီစံပြကျေးရွာဘုန်းကြီးကျောင်းကို စစ်ကောင်စီတပ်က ဗုံးကြဲမှုကြောင့် အရပ်သား ၆ ဦး သေဆုံးသွားကြောင်း မွန်လွတ်မြောက်ရေးတပ်မတော်မှ ပြောသည်။ ဧပြီလ ၁၅ ရက်နေ့ နံနက် ၁၁ နာရီ ၅၀ မိနစ်အချိန်မှ မွန်းတည့် ၁၂ နာရီ ၁၀ မိနစ်အချိန်အထိ ကမ်းနီစံပြကျေးရွာရှိ ဘုန်းကြီးကျောင်းကို စစ်ကောင်စီက Yak-130 တိုက်လေယာဉ်ဖြင့် ဗုံးကြဲတိုက်ခိုက် ခဲ့ခြင်း ဖြစ်သည်။ ဗုံးကြဲမှုကြောင့် အသက် ၃ နှစ်အရွယ်ကလေးငယ် ၂ ဦးဖြစ်သည့် မိကျဲကျဲမွန်နှင့် မင်းကွန်ဗလဲ၊ အသက် ၉ နှစ်အရွယ် မင်းလင်းပြည့်အောင်၊ အသက် ၁၅ နှစ်အရွယ် မိပိုးဖူးဇင်၊ အသက် ၃၄
စစ်ကိုင်း ဝက်လက်မြို့နယ်ကို သင်္ကြန်အတက်နေ့ ဂျက်ဖိုက်တာနှင့် ဗုံးကြဲ၊ အရပ်သား ၄ဦး သေဆုံး
စစ်ကိုင်းတိုင်း၊ ဝက်လက်မြို့နယ်ကို စစ်ကောင်စီက လေကြောင်းကနေ ပေါင် ၅၀၀ ဗုံးဖြင့် ဗုံးကြဲတိုက်ခိုက်မှုကြောင့် အရပ်သား ပြည်သူ ၄ဦး သေဆုံးသွားပြီး အများအပြား ထိခိုက် ဒဏ်ရာ ရရှိသွားသည်။ စစ်ကောင်စီက ဝက်လက်မြို့နယ် သစ်ဆိမ့်ကျေးရွာဆေးခန်းကို ပစ်မှတ်ထားကာ ပေါင် ၅၀၀ ဗုံး ကြဲချတိုက်ခိုက်ခဲ့ရာတွင် အသက် ၁၂ နှစ် အရွယ် ကလေး ၁ ဦး အပါဝင် ပြည်သူ ၄ ဦးသေဆုံးခဲ့ခြင်း ဖြစ်သည်။ ယနေ့ ဧပြီလ ၁၆ ရက် သင်္ကြန်အတက်နေ့ မွန်းလွဲ ၁ နာရီ ၄၀ မိနစ်က ဝက်လက်မြို့နယ်အရှေ့ခြမ်းရှိ သစ်ဆိမ့်ကျေးရွာ ဆေးပေးခန်းကို ပစ်မှတ်ထား၍
ရခိုင်မှာ ၁၉ ရက်အတွင်း စစ်ကျန်ဗုံးသီးနှင့် မြေမြှုပ်မိုင်းကြောင့် သေဆုံးသူ ၁ ဦးနှင့် ခြေထောက်ပြတ်ပြီး ဒဏ်ရာရရှိသူ ၁၂ ဦးရှိ
အာရက္ခတပ်တော် AA သိမ်းပိုက်ထားသော ရခိုင်ပြည်က မြို့နယ်များတွင် စစ်ကောင်စီ ထောင်ထားခဲ့သော မြေမြှုပ်မိုင်းများနှင့် စစ်ကျန်ဗုံးသီးများကြောင့် ၁၉ ရက်အတွင်းမှာ အရပ်သားပြည်သူ ၁ ဦးသေဆုံးပြီး ခြေထောက်ပြတ်ပြီး ပြင်းထန်ဒဏ်ရာရနေသူ ၁၂ ဦးရှိကြောင်း သိရသည်။ စစ်ကျန်လက်နက်ပစ္စည်းများနှင့် မြေမြှုပ်မိုင်းကြောင့် အရပ်သားပြည်သူ ထိခိုက်သေဆုံးသူများအား Western News မှ ၂၀၂၅ မတ်လ ၂၆ ရက်ကနေ ဧပြီလ ၁၃ ရက်နေ့အထိ စုစည်းထားချက် စာရင်းအရ သိရသည်။ ယခု ထိခိုက်ဒဏ်ရာရခြင်းနှင့် သေဆုံးသွားသူမှာ အာဏာသိမ်း စစ်ကောင်စီ တပ်စွဲထားသော နေရာများ၊ တပ်ရင်းများနှင့် သွားလာလှုပ်ရှားခဲ့သော နေရာများသို့ သွားရောက်ခြင်းမှ ထိခိုက်သေဆုံးကြခြင်းဖြစ်သည်။ ရခိုင်ပြည်က ဒေသခံပြည်သူများမှာ
စစ်ကောင်စီ ကြိုးပမ်းနေသည့် ရွေးကောက်ပွဲမှာ မပါဝင်ရန်နှင့် မထောက်ပံ့ရန် ချင်းပြည်သူများကို ICNCC သတိပေး
အာဏာသိမ်း စစ်ကောင်စီက အတင်းအဓမ္မကျင်းပရန် ကြိုးပမ်းနေသည့် ရွေးကောက်ပွဲမှာ ချင်းပြည်သူလူထုများအနေဖြင့် ပါဝင်းခြင်း၊ ထောက်ပံ့ပေးခြင်းများကို မပြုကြရန် ကြားကာလ ချင်းအမျိုးသား အတိုင်ပင်ခံကောင်စီ ICNCC က သတိပေးထားသည်။ ယမန်နေ့ ဧပြီလ ၁၃ ရက်တွင် ICNCC အဖွဲ့ တည်ထောင်နေ့ ၄ နှစ်ပြည့် အထိမ်းအမှတ် ထုတ်ပြန်ချက်တွင် ချင်းပြည်သူများအား ကြိုတင်သတိပေးအပ်သည်ဟု ဖော်ပြထားခြင်းဖြစ်သည်။ စစ်ကောင်စီက အတင်းအဓမ္မ ကျင်းပရန် ကြိုးစား စီစဉ်နေသည့် ရွေးကောက်ပွဲမှာ ချင်းပြည်အတွင်း လုံးဝ ကျင်းပနိုင်မည် မဟုတ်၍ ချင်းပြည်သူများအနေဖြင့် ပူးပေါင်းပါဝင် ထောက်ပံ့ခြင်းများ မလုပ်ဆောင်ကြရန် ICNCC က သတိပေးထားခြင်းဖြစ်သည်။ ကြားကာလ ချင်းအမျိုးသား အတိုင်ပင်ခံကောင်စီ ICNCC
တော်လှန်ရေးအဖွဲ့များနှင့် ငြိမ်းချမ်းရေးဆွေးနွေးရန် စစ်ကောင်စီကို ထိုင်းဝန်ကြီးချုပ်ဟောင်း သက်ဆင် တိုက်တွန်း
အာဏာသိမ်း စစ်ကောင်စီအနေဖြင့် တော်လှန်ရေးတပ်ဖွဲ့များ၊ ပြည်သူ့ကာကွယ်ရေးတပ်ဖွဲ့များနှင့် ငြိမ်းချမ်းဆွေးနွေးရန် ထိုင်းဝန်ကြီးချုပ်ဟောင်း သက်ဆင် ရှင်နာဝပ်က တိုက်တွန်းထားကြောင်း ဘန်ကောက်ပို့စ်သတင်းက ယမန်နေ့ ဧပြီလ ၁၃ ရက်တွင် ဖော်ပြသည်။ မကြာသေးမီက ဘန်ကောက်မြို့တွင် ကျင်းပခဲ့သော BIMSTEC ထိပ်သီးအစည်းအဝေးတွင် အာဏာသိမ်း မြန်မာစစ်ခေါင်းဆောင် မင်းအောင်လှိုင်နှင့် ထိုင်းဝန်ကြီးချုပ်ဟောင်း သက်ဆင်တို့ တွေ့ဆုံခဲ့သည်။ ထိုတွေ့ဆုံပွဲတွင် ထိုင်းဝန်ကြီးချုပ်ဟောင်း သက်ဆင်က မင်းအောင်လှိုင်အား တော်လှန်ရေးတပ်ဖွဲ့များနှင့် ငြိမ်းချမ်းရေးဆွေးနွေးရန် ပြောဆိုခဲ့သည်ဟု ဘန်ကောက်ပို့စ်က ဆိုသည်။ “တော်လှန်ရေးတပ်ဖွဲ့တွေနဲ့ ငြိမ်းချမ်းရေးဆွေးနွေးဖို့ ဗိုလ်ချုပ်မှူးကြီး မင်းအောင်လှိုင်က ဆန္ဒရှိပါတယ်။ တွေ့ဆုံဆွေးနွေးဖို့လည်း အခွင့်အလမ်းများပါတယ်။ ငြိမ်းချမ်းရေးဆွေးနွေးမှုလုပ်ဖို့လည်း ကျနော်တို့ ပြောထားတယ်။ ဗိုလ်ချုပ်မှူးကြီး မင်းအောင်လှိုင်က ကျနော်တို့ ပြောတာကို သဘောတူပြီး
ကျောက်တော် ဗုံးကြဲခံရမှု မြင်ကွင်း၊ အမျိုးသမီး ၃ ဦး ဒဏ်ရာရ
အာဏာသိမ်း စစ်ကောင်စီက ကျောက်တော်မြို့ပေါ် ရပ်ကွက်များကို ယနေ့ ဧပြီလ ၁၃ ရက် နံနက်ပိုင်းတွင် လေကြောင်းဗုံးကြဲတိုက်ခိုက်မှု ပြုလုပ်ခဲ့သည်။ ကျောက်တော်မြို့ထဲက ရွှေကျောင်းဘုန်းတော်ကြီးကျောင်းအနီး ရပ်ကွက်နှစ်ခုကို ဂျက်ဖိုက်တာဖြင့် ဗုံးကြဲသွားခြင်းဖြစ်သည်။ အသက် ၁၀ နှစ်အရွယ် မချစ်နှင်းဝေ၊ အသက် ၂၇ နှစ်အရွယ် မကျီကျီဝင်းနှင့် အသက် ၃၄ နှစ်အရွယ် မဦးသန်းမေတို့မှာ ဒဏ်ရာ ရရှိသွားခဲ့သည်။ စစ်ကောင်စီက ပေါင် ၅၀၀ ဗုံးနှစ်လုံးဖြင့် တိုက်ခိုက်ခဲ့ပြီး လူနေအိမ် ၅ လုံးထက်မနည်းလည်း ထိခိုက်ပျက်စီးသွားကြောင်း သိရသည်။ အာဏာသိမ်း စစ်ကောင်စီသည် အပစ်ရပ်ထားကြောင် ကြေညာထားသော်လည်း ကတိကို ချိုးဖောက်ပြီး သင်္ကြန်အကြိုနေ့ ယနေ့တွင် ကျောက်တော်မြို့ကို ဗုံးကြဲတိုက်ခိုက်ခဲ့ခြင်းဖြစ်သည်။
သင်္ကြန်အကြိုနေ့မှာ ကျောက်တော်မြို့ကို စစ်ကောင်စီ ဗုံးကြဲ၊ အရပ်သားများ ထိခိုက်၊ နေအိမ်များပျက်စီး
ရခိုင်ပြည် ကျောက်တော်မြို့ပေါ်မှ ရပ်ကွက်များကို အာဏာသိမ်း စစ်ကောင်စီက သင်္ကြန်အကြိုနေ့ ယနေ့ ဧပြီလ ၁၃ ရက် နံနက် ၉ နာရီခွဲအချိန်တွင် ဗုံးကြဲတိုက်ခိုက်ခဲ့သည်။ စစ်ကောင်စီက ဂျက်ဖိုက်တာ တိုက်လေယာဉ် တစ်စီးဖြင့် ဗုံးကြဲတိုက်ခဲ့ခြင်းဖြစ်ပြီး ကလေးငယ် ၁ ဦးအပါအဝင် အရပ်သား ၂ ဦးထက်မနည်း ထိခိုက်ဒဏ်ရာ ရရှိကာ လူနေအိမ်များလည်း ပျက်စီးသွားကြောင်း ဒေသခံများက ပြောသည်။ ဒေသခံတစ်ဦးက “အကြမ်းဖက် စစ်ကောင်စီက ပေါင် ၅၀၀ ဗုံးနှစ်လုံးနဲ့ ကြဲချခဲ့တာ။ လမ်းတစ်နဲ့ ရွာမဘက်တွေမှာ ရွှေကျောင်းအနီးပေါ့ ကျရောက်ပေါက်ကွဲခဲ့တယ်။ ကလေး ၁ ဦးနဲ့ နောက်တစ်ဦး ဒဏ်ရာ ရတယ်လို့ သိရတယ်။ သေဆုံးသူမရှိဘူးလို့တော့
ဒီပဲယင်း ကျခတ်ရွာ ဘုန်းကြီးကျောင်းကို လေယာဉ်ဖြင့် ဗုံးကြဲမှု ကိုရင် ၃ ပါးနှင့် အရပ်သား ၆ ဦးသေဆုံး
စစ်ကိုင်းတိုင်း၊ ဒီပဲယင်းမြို့နယ်၊ ကျခတ်ရွာ ဘုန်းကြီးကျောင်းကို စစ်ကောင်စီတပ်က လေယာဉ်ဖြင့် ဗုံးကြဲတိုက်ခိုက်ခြင်းကြောင့် ကိုရင် ၃ ပါး အပါအဝင် ပြည်သူ ၆ ဦးသေဆုံးခဲ့ကြောင်း သိရသည်။ ယနေ့ ဧပြီလ ၁၂ ရက်နေ့ မွန်းလွဲ ၂နာရီ အချိန်ခန့်တွင် ဒီပဲယင်းနယ် ကျခတ်ကျေးရွာ ဘုန်းကြီးကျောင်းကို စစ်တပ်က တံတားဦး လေတပ်မှ တက်လာသော ဂျက်ဖိုက်တာဖြင့် ဗုံးကြဲ တိုက်ခိုက်ခဲ့ခြင်းဖြစ်သည်။ ကျခတ်ကျေးရွာ ဘုန်းကြီးကျောင်း၌ ရှိနေသော ကိုရင် ၃ ပါး၊ ကျောင်းသား ၁ ဦး၊ ကပ္ပိယ အဘိုးအို ၁ ဦးနှင့် အမျိုးသမီး ၁ ဦး သေဆုံးခဲ့ပြီး နောက်ထပ်
ကြံသာရွာရှိ စစ်ကောင်စီစခန်းကို တော်လှန်ရေး ပူးပေါင်းအဖွဲ့ သိမ်းပိုက်
Western News|ဧပြီ ၁၂ စစ်ကိုင်းတိုင်း ကလေးမြို့နယ် ကြံသာရွာမှာရှိသည့် စစ်ကောင်စီအခြေစိုက်စခန်းကို တော်လှန်ရေးပူးပေါင်းတပ်ဖွဲ့များက ဧပြီ ၁၁ရက်နေ့တွင် သိမ်းပိုက်နိုင်ကြောင်း ကျောင်းသားတပ်မတော် ABSDF က ထုတ်ပြန်သည်။ အဆိုပါ စစ်ကောင်စီ တပ်စခန်းကို ကျောင်းသားတပ်မတော် အမှတ် (၃) စစ်ကြောင်း၊ တပ်ရင်း (၁၂)၊ KKG-CDF၊ ဟံသာ၀တီ (ပကဖ)၊ CDF.-SIYIN၊ ကလေးခရိုင်ခရိုင်စစ်ဒေသ ထန်တလန် DRအဖွဲ့များဖြင့်ပူးပေါင်းပြီး တိုက်ခိုက်ခဲ့ခြင်း ဖြစ်သည်။ ကလေး – ဂန့်ဂေါ ကားလမ်းတွင်ရှိသည့် ကြံသာကျေးရွာသည် ပျူစောထီးအားကောင်းစိုးမိုးသည့် ကျေးရွာ ဖြစ်ပြီး တိုက်ပွဲအတွင်း ကြံသာကျေးရွာအပြင် ဟံသာဝတီ၊ မြောက်ခင်ရန်းကျေးရွာတို့မှ ပျူစောထီးအများ အပြား ပါဝင်တိုက်ခိုက်ကြကြောင်း သိရသည်။