(ဟောင်ဝှစ်ဇာနှင့်အတူ လက်နက်အများအပြားသိမ်းဆည်းရမိ) ချင်းပြည်နယ် မတူပီမြို့က စစ်ကောင်စီ၏ ခမရ ၃၀၄ တပ်ရင်းကို ချင်းညီနောင် မဟာမိတ်တပ်များက တိုက်ခိုက်သိမ်းပိုက်လိုက်ပြီး ဟောင်ဝှစ်ဇာ အမြောက်နှင့်အတူ လက်နက်ခဲယမ်းအများအပြားကို သိမ်းဆည်းရမိခဲ့သည်ဟု သိရသည်။ မတူပီမြို့ကို သိမ်းပိုက်ရရှိရန် ချင်းညီနောင်တပ်ဖွဲ့များ၊ မဟာမိတ်တပ်ဖွဲ့ AA နှင့် ယောတပ် YA တို့မှ ဇွန်လ ၉ ရက်နေ့ကစ၍ အင်အားအလုံးအရင်းဖြင့် ထိုးစစ်ဆင်တိုက်ခိုက်နေခြင်းဖြစ်သည်။ အင်အားအလုံးအရင်းဖြင့် ထိုးစစ်ဆင်တိုက်ခိုက်မှုကြောင့် ဇွန်လ ၁၇ ရက်နေ့က စစ်ကောင်စီ ခမရ ၃၀၄ တပ်ရင်းကို အပြီးသတ်သိမ်းပိုက်ရရှိခဲ့ခြင်းဖြစ်ပြီး ကျန်တပ်ရင်းများကိုလည်း ဆက်လက် ထိုးစစ်ဆင်တိုက်ခိုက်နေကြောင်း ချင်းညီနောင်ပြန်ကြားရေးအဖွဲ့က ပြောဆိုထားသည်။ ချင်းညီနောင်ပြန်ကြားရေး တာဝန်ရှိသူတစ်ဦးက ” တစ်မြို့လုံးသိမ်းမိတာ မဟုတ်သေးဘူး။

ရခိုင်ပြည် တောင်ကုတ်မြို့နယ် ပန်းတင်းတိုက်နယ် ကံဆိပ်ကျေးရွာကို တိုက်ပွဲဖြစ်ပွားခြင်းမရှိဘဲ စစ်ကောင်စီက လေကြောင်းဗုံးကြဲတိုက်ခိုက်ခဲ့၍ အသက် ၇ နှစ်အရွယ် ကလေးငယ်တစ်ဦးအပါအဝင် အမျိုးသမီးနှစ်ဦး စုစုပေါင်း ၃ ဦး နေရာ၌ သေဆုံးသွားကြောင်း စုံစမ်းသိရသည်။ ယနေ့ ဇွန်လ ၁၈ ရက် နံနက် ၁၀ နာရီကျော်အချိန်က အရပ်သားနေ ကံဆိပ်ကျေးရွာကို စစ်ကောင်စီက လေကြောင်းက ဗုံးကြဲတိုက်ခိုက်ခဲ့သည်။ ဒေသခံတစ်ဦးက ” အမျိုးသမီးကြီး တစ်ဦးသေတယ်။ ဆက်ကျော်သက် အမျိုးသမီးငယ်တစ်ဦး သေတယ်။ နောက် ကလေးလေးတစ်ယောက် အသက် ၇ နှစ်လောက်ရှိမယ် သေသွားပါတယ်။ ပြည်သူတွေနေတဲ့ရွာကို စစ်ကောင်စီက ရည်ရွယ်ချက် ရှိရှိနဲ့ ဗုံးကြဲတာ။ ဒီရွာမှာ တိုက်ပွဲလည်းမရှိဘူး။

(စစ်ကောင်စီတပ်ရင်းများက လက်နက်ကြီး အဆက်မပြတ် ပစ်ခတ်နေ) ရခိုင်ပြည် တောင်ကုတ်မြို့တွင် ကျန်ရှိနေသေးသည့် ပြည်သူများ ဗုံးခိုကျင်းတူးပြီး လက်နက်ကြီးအန္တရာယ်ကာကွယ်ရေး အစီအစဉ် အာဏာသိမ်း စစ်ကောင်စီတပ်ဖွဲ့ဝင်များက ကန့်သတ်ပိတ်ပင်နေကြောင်း စုံစမ်းသိရသည်။ တောင်ကုတ်မြို့အနီး တိုက်ပွဲဖြစ်ပွားခြင်းကြောင့် မြို့ခံအများစုမှာ ဘေးကင်းရာနေရာများနှင့် လွတ်မြောက်နယ်မြေသို့ သွားရောက်ခိုလှုံနေကြပြီး အနည်းစုမှာ မြို့ထဲ၌ ဗုံးခိုကျင်းတူးပြီး လက်နက်ကြီးအန္တရာယ်ကို ရှောင်ရန် ပြင်ဆင်နေကြသည်။ မြို့ထဲကျန်နေမည့် တောင်ကုတ်ဒေသခံတစ်ဦးက ” မိသားစုကိုတော့ တိုက်ပွဲနဲ့ ဝေးရာကို ပို့လိုက်ပါပြီ။ ကျနော်က အိမ်စောင့်ကျန်နေခဲ့မလို့။ တခြားသူတွေနဲ့လည်း အဖော်ရတော့လေ။ အဲဒါ ဗုံးခိုကျင်း အိမ်မှာတူးတာပေါ့။ စစ်ကောင်စီ တပ်ဖွဲ့ဝင်တွေက မတူးရဘူး။ ဗုံးခိုကျင်းတူးရင် ဖမ်းမယ်လို့ ပြောနေတယ်။ တချို့ ဌာနဆိုင်ရာ ဝန်ထမ်းတွေလည်းရှိနေသေးတယ်။