” ကျနော်တို့က AA ကို မမုန်းပါဘူး။ မမုန်းဘူးပေါ့နော်။ ကျနော်တို့က AA ကို ထောက်ခံပါတယ်။ ရခိုင်ပြည်မှာ ကျနော်တို့ အတူတကွ နေကြရမှာပါ။ ဩဂုတ် ၅ ရက် ညနေက ဖြစ်စဉ်မှာ ဒရုန်းတွေက AA ဟာလားဆိုတော့ ဒရုန်းတွေမှာ AA လို့ စာတန်းမပါဘူးလေနော်။
AA ဒရုန်းတွေလို့ ပြောလို့မရဘူးလေနော်။ ” Western News| ဩဂုတ် ၁၃ (အင်တာဗျူး) ၂၀၂၄ ခုနှစ်၊ ဩဂုတ်လ ၅ ရက်နေ့ ညနေ ၅ နာရီခန့်က မောင်တောမြို့အနီး နတ်မြစ်ကမ်း၌ ဒရုန်းပစ်ခတ်မှုကြောင့် ကလေးတွေအပါအဝင် မွတ်ဆလင် ရာနှင့်ချီ သေဆုံးသွားသည်ဟု အသက်ရှင်လွတ်မြောက်လာသူများက ပြောဆိုထားကြသည်။ ထိုဖြစ်စဉ်ကို အာရက္ခတပ်တော် AA က ကျူးလွန်ခဲ့သည်ဟု ပြည်ပရောက် မွတ်ဆလင်ခေါင်းဆောင်အချို့က စွပ်စွဲပြောဆိုထားပြီး AA က ယင်းဖြစ်စဉ် သေဆုံးမှုများသည် သက်ဆိုင်ခြင်းမရှိကြောင်းနှင့် စုံစမ်းစစ်ဆေးသွားမည်ဟု AA က ထုတ်ပြန်ထားသည်။ အဆိုပါ ဖြစ်စဉ်တွင် မျက်မြင်လည်းဖြစ် အသက်ရှင်လာသူလည်းဖြစ်သူ မောင်တောဒေသခံ မွတ်ဆလင်လူငယ်တစ်ဦးကို Western News က ဆက်သွယ်မေးမြန်းထားသည်။
