ရန်ကုန်-မော်လမြိုင် အဝေးပြေးလမ်း သထုံမြို့နယ် ကရင်လေဆိပ်တံတား မိုင်းခွဲခံရ၍ ပြိုကျပျက်စီးသွားကြောင်း သိရသည်။
ကရင်လေးတံတား ပျက်စီးသွား၍ ခရီးသွားကားများနှင့် ကုန်တင်ကားများ သွားလာ၍မရဘဲ ရာနှင့်ချီ လမ်းပိတ်ဆို့နေကြောင်း ဒေသခံပြည်သူများက ပြောသည်။
ယမန်နေ့ ဇူလိုင်လ ၁၆ ည ၁၀ နာရီခွဲတွင် မိုင်းခွဲခံရ၍ တံတား ပျက်စီးသွားပြီး မည်သူက မိုင်းခွဲဖျက်ဆီးခဲ့သည်ကို အတိအကျ မသိရသေးပေ။
ခရီးသွားပြည်သူတစ်ဦးက ” အခုကားတွေ ပိတ်မိနေတာတော့ အစီး ၁၀၀ လောက်ရှိတယ်။ အဲဒီဘက်က ရှောင်ကွင်းသွားလို့ရတဲ့ လမ်းကြောတော့ မတွေ့သေးဘူး။ နောက်ပြန် လှည့်ရမလား၊ ယာယီတံတား လာထိုးပေးတာ စောင့်ရမလားတော့ မသိသေးဘူး” ဟု ပြောသည်။
ကရင်လေးတံတားသည် မကြာခဏ မိုင်းခွဲခံရသော သထုံမြို့နယ် ရွှေရောင်ပြဓာတ်ဆီအနီးက ကျုံအိတ်တံတားနှင့် နီးကပ်ကြောင်း သိရသည်။
